பங்களாதேஷ் அணிக்கு எதிராக ஹராரேயில் எதிர்வரும் ஜூன் 28 ஆம் திகதி ஆரம்பமாகவுள்ள ஒரேயொரு டெஸ்ட் போட்டிக்கான 15 பேரடங்கிய சிம்பாப்வே அணி அறிவிக்கப்பட்டுள்ளது.
இங்கிலாந்தின் கவுண்டி கிரிக்கெட் (Vitality Blast) போட்டிகளில் விளையாடுவதற்கான ஒப்பந்தம் காரணமாக, சிம்பாப்வே அணியின் முன்னணி சகலதுறை ஆட்டக்காரர் சிக்கந்தர் ரசா இந்த டெஸ்ட் போட்டியில் விளையாட மாட்டார் என சிம்பாப்வே கிரிக்கெட் நிறுவனம் தெரிவித்துள்ளது.
அறிவிக்கப்பட்டுள்ள அணியில், கடந்த 2017 ஆம் ஆண்டிற்குப் பின்னர் டெஸ்ட் போட்டிகளில் விளையாடாத 39 வயதுடைய சுழற்பந்து வீச்சாளர் கிரேம் கிராமர் (Graeme Cremer) மீண்டும் சேர்க்கப்பட்டுள்ளார்.
அத்துடன், இடதுகை வேகப்பந்து வீச்சாளர் ரிச்சர்ட் ங்கராவா (Richard Ngarava) இந்த போட்டியின் மூலம் டெஸ்ட் அணித்தலைவராக அறிமுகமாகவுள்ளார்.
கடந்த 2025 ஒக்டோபரில் ஆப்கானிஸ்தானுக்கு எதிரான வரலாற்று வெற்றிக்குப்பிறகு சிம்பாப்வே விளையாடும் முதலாவது டெஸ்ட் போட்டி இதுவாகும்.
இந்த அணியில் இன்னசென்ட் கையா, தடிவனாஷே மருமானி, வெஸ்லி மாதேவேரே மற்றும் நியூமேன் நியாம்ஹூரி ஆகியோரும் மீண்டும் அணியில் இடம் பிடித்துள்ளனர்.
இதன்படி Richard Ngarava (Captain), Brian Bennett, Tanaka Chivanga, Graeme Cremer, Ben Curran, Craig Ervine, Brad Evans, Innocent Kaia, Roy Kaia, Wessly Madhevere, Tadiwanashe Marumani, Blessing Muzarabani, Newman Nyamhuri, Brendan Taylor, Tafadzwa Tsiga ஆகியோர் பெயரிடப்பட்டுள்ளனர்.
