ஐபிஎல் 2027 தொடருக்கான வர்த்தக பரிமாற்றப் பேச்சுவார்த்தைகள் தோல்வியடைந்தால், ரோகித் சர்மாவின் தலைமையில் மும்பை இந்தியன்ஸ் அணியிலேயே தொடர்ந்து விளையாட ஹார்திக் பாண்டியா விருப்பம் தெரிவித்துள்ளதாகத் தகவல்கள் வெளியாகியுள்ளன.
ஐபிஎல் 2027 தொடருக்கு முன்னதாக ஹார்திக் பாண்டியாவின் எதிர்காலம் குறித்த வர்த்தகப் பேச்சுவார்த்தைகள் உறுதியாகாத நிலையில், அவர் அணி மாறுவதை வற்புறுத்தாமல் MI அணியிலேயே தொடரத் தயாராக உள்ளார்.
தி இந்தியன் எக்ஸ்பிரஸ் (The Indian Express) வெளியிட்டுள்ள தகவலின்படி, வர்த்தக ஒப்பந்தம் தோல்வியடைந்தால் ரோகித் சர்மாவின் தலைமையில் விளையாடுவதில் ஹார்திக்கிற்கு எந்தவிதமான தயக்கமும் இல்லை எனக் குறிப்பிடப்பட்டுள்ளது.
ஐபிஎல் 2024 தொடருக்கு முன்பு ரோகித் ஷர்மாவுக்குப் பதிலாக ஹார்திக் பாண்டியா அணியின் தலைவராக நியமிக்கப்பட்டார்.
எனினும், அந்தத் சீசனில் அணி 14 போட்டிகளில் 4 இல் மட்டுமே வெற்றி பெற்று 9 வது இடத்தைப் பிடித்தது குறிப்பிடத்தக்கது.
5 முறை சாம்பியன் பட்டங்களை வென்று தந்த ரோகித் சர்மாவிடம் மீண்டும் அணியின் தலைமைப் பொறுப்பு ஒப்படைக்கப்பட்டுள்ள நிலையில், வர்த்தக நடவடிக்கை கைவிடப்பட்டால் இருவரும் முற்றிலும் மாறுபட்ட பாத்திரங்களில் மீண்டும் இணைவார்கள்.
