பெல்ஜியம் நாட்டை சேர்ந்த சிறுவன் லாரன்ட் சிமன்ஸ் (வயது 15). குட்டி ஐன்ஸ்டீன் என்று அழைக்கப்படும் லாரன்ட் தனது 11 வயதிலேயே இளங்கலை இயற்பியல் பட்டத்தை முடித்தார்.
சிறுவன் முதுகலை பட்டத்தையும் பயின்றார். இந்தநிலையில் முனைவர் பட்டத்துக்காக போஸ் போலாரன்ஸ் இன் சூப்பர்புளூயிட்ஸ் மற்றும் சூப்பர் சாலிட்ஸ் என்ற தலைப்பில் ஆய்வு கட்டுரையை அவர் சமர்ப்பித்தார். அதாவது, மிகக் குளிர்ந்த சூழலில், எலக்ட்ரான் மற்றும் அணுக்களின் நடத்தை எப்படி இருக்கும் என்பதைப் பற்றிய ஆழமான ஆய்வு அது. இதன்மூலம் உலகிலேயே மிக இளம் வயதில் முனைவர் பட்டம் பெற்ற சாதனைக்கு சொந்தக்காரராக மாறி உள்ளார்.
மேலும், லாரன்ட் சிமன்ஸ் தனது 9 வது வயதில் நெதர்லாந்தில் உள்ள ஐன்ட்ஹோவன் தொழில்நுட்பப் பல்கலைக்கழகத்தில் (Eindhoven University of Technology) மின் பொறியியல் இளங்கலைப் பட்டப்படிப்பை (Bachelor’s degree in electrical engineering) நிறைவு செய்தார். இது, உலகிலேயே மிக இளவயதில் இளங்கலைப் பட்டம் பெற்றவர்களில் ஒருவராக அவரைக் கருதச் செய்கிறது.
அவரது IQ (அறிவுசார் குறியீடு) 145-க்கும் அதிகமாக மதிப்பிடப்பட்டுள்ளது.
இளங்கலைப் பட்டப்படிப்பை முடித்த பிறகு, அவர் தொடர்ந்து பிற உயர் படிப்புகளையும் மேற்கொண்டு வருவதுடன் விருப்பத் துறைகளான அறிவியல், கணிதம் மற்றும் மருத்துவம் ஆகிய துறைகளில் அதிக ஆர்வம் உள்ளது. இதற்கிடையே அமெரிக்கா, சீனாவில் உள்ள முன்னணி தொழில்நுட்ப நிறுவனங்கள் பல்வேறு சலுகை வழங்கி அவருக்கு வேலை அளிக்க முன் வந்தன. ஆனால் அதனை மறுத்த அவர் சூப்பர் மனிதர்களை உருவாக்குவது, மனிதனின் ஆயுட்காலத்தை அதிகரிப்பதே தனது கனவு என தெரிவித்துள்ளார்.
