அமெரிக்க டொலருக்கு நிகரான இலங்கை ரூபாவின் பெறுமதி, நாட்டின் வர்த்தக வங்கிகளில் இன்று வெள்ளிக்கிழமை மேலும் வீழ்ச்சியடைந்துள்ளது. இதன்படி, சில வங்கிகளில் அமெரிக்க டொலரின் விற்பனை விலை 336 ரூபாவைத் தாண்டியுள்ளது.
செலான் வங்கியில் அமெரிக்க டொலரின் கொள்வனவு விலை 327.55 ரூபாவாகவும், விற்பனை விலை 336.80 ரூபாவாகவும் காணப்படுகிறது. இந்த விலைகளில் வியாழக்கிழமையுடன் ஒப்பிடுகையில் மாற்றம் ஏற்படவில்லை.
NDB வங்கியில் அமெரிக்க டொலரின் கொள்வனவு விலை 327.40 ரூபாவிலிருந்து 327.80 ரூபாவாகவும், விற்பனை விலை 336.40 ரூபாவிலிருந்து 336.80 ரூபாவாகவும் அதிகரித்துள்ளது.
மக்கள் வங்கியில் கொள்வனவு விலை 327.86 ரூபாவிலிருந்து 328.11 ரூபாவாகவும், விற்பனை விலை 335.99 ரூபாவிலிருந்து 336.24 ரூபாவாகவும் உயர்ந்துள்ளது. கொமர்ஷல் வங்கியில் கொள்வனவு விலை 325.83 ரூபாவிலிருந்து 326.33 ரூபாவாகவும், விற்பனை விலை 335.75 ரூபாவிலிருந்து 336.25 ரூபாவாகவும் அதிகரித்துள்ளது.
சம்பத் வங்கியில் அமெரிக்க டொலரின் கொள்வனவு விலை 328 ரூபாவிலிருந்து 328.50 ரூபாவாகவும், விற்பனை விலை 336 ரூபாவிலிருந்து 336.50 ரூபாவாகவும் அதிகரித்துள்ளது.
வங்கிகளின் இந்த விலை மாற்றங்கள், அமெரிக்க டொலருக்கு நிகரான இலங்கை ரூபாவின் பெறுமதி தொடர்ந்து அழுத்தத்திற்கு உள்ளாகி வருவதை எடுத்துக்காட்டுகின்றன.
