பிரசாந்த் படத்தில் முக்கிய பிரபலங்கள்
நடிகர் பிரசாந்தின் அந்தகன் படத்தில் நடிகர்கள் விஜய் சேதுபதி, பிரபுதேவா மற்றும் இசையமைப்பாளர் அனிருத் இணைந்துள்ளனர்.
நடிகர் பிரசாந்தின் கம்பேக் படமான அந்தகன், இந்தி பிளாக்பஸ்டர் அந்தாதூனின் ரீமேக்காக ரிலீசுக்கு தயாராகி வருகிறது. இந்த ஆண்டின் தொடக்கத்தில், அந்தகன் படத்தின் முதல் சிங்கிளான என் காதல், வெளியானது. சித் ஸ்ரீராம் இந்தப் பாடலை பாடியிருந்தார். படத்திற்கு சந்தோஷ் நாராயணன் இசையமைத்துள்ளார்.
இதற்கிடையே அந்தகனின் இரண்டாவது பாடலான டோரா புஜ்ஜியில் பிரபலங்கள் ஒன்றிணைந்துள்ளனர். சந்தோஷ் நாராயணன் இசையில் அனிருத் ரவிச்சந்தர் மற்றும் விஜய் சேதுபதி ஆகியோர் இப்பாடலை பாடியிருக்கின்றனர். இதன் மற்றொரு சிறப்பம்சம் என்னவென்றால், இந்தப் பாடலுக்கு ‘மாஸ்டர்’ பிரபுதேவா நடனம் அமைத்துள்ளார்.