நீதிமன்ற அவமதிப்புக்கு உள்ளாகும் வகையில் கருத்து வெளியிட்டதாக முன்வைக்கப்பட்டுள்ள குற்றச்சாட்டு தொடர்பான விசாரணைக்காக முன்னாள் நாடாளுமன்ற உறுப்பினர் விமல் வீரவன்சவை மத்திய குற்றப் புலனாய்வுப் பணியகம் (CCBI) அழைத்துள்ளது.
அதன்படி, எதிர்வரும் வெள்ளிக்கிழமை காலை 10.00 மணிக்கு மத்திய குற்றப் புலனாய்வுப் பணியகத்தில் முன்னிலையாகி வாக்குமூலம் வழங்குமாறு அவருக்கு அறிவிக்கப்பட்டுள்ளதாக தெரிவிக்கப்படுகிறது.
அநுராதபுரத்தில் ஸ்ரீலங்கா பொதுஜன பெரமுன (SLPP) ஏற்பாடு செய்திருந்த கூட்டமொன்றில் விமல் வீரவன்ச நீதிமன்ற அவமதிப்புக்கு உள்ளாகும் வகையில் கருத்துகளை வெளியிட்டதாக பொலிஸ் மா அதிபரிடம் கிடைத்த முறைப்பாட்டைத் தொடர்ந்து இந்த விசாரணை ஆரம்பிக்கப்பட்டுள்ளது.
குறித்த முறைப்பாட்டின் அடிப்படையில், சம்பவம் தொடர்பில் மத்திய குற்றப் புலனாய்வுப் பணியகம் விசாரணைகளை ஆரம்பித்துள்ளது.
இந்த நிலையில், குற்றச்சாட்டுக்குள்ளான கருத்துகள் தொடர்பான விசாரணையின் ஒரு பகுதியாக விமல் வீரவன்சவிடம் வாக்குமூலம் பெறுவதற்கு நடவடிக்கை எடுக்கப்பட்டுள்ளது.
