Sri Lanka Tamil News Site

தேர்தலே எம்மை பிரித்துள்ளது – நாடாளுமன்ற உறுப்பினர் தவராசா கலையரசன்

- Advertisement -

-அம்பாறை நிருபர்-

தேர்தலுக்காகவே நாம் தற்காலிகமாக பிரிந்து நிற்கின்றோம். அம்பாறை மாவட்டத்திலே தமிழரசுக் கட்சி சார்பில் ஏழு சபைகளில் போட்டியிடுகின்றோம், என இலங்கை தமிழரசுக் கட்சியின் சார்பில் அம்பாறை மாவட்ட பாராளுமன்ற உறுப்பினர் தவராசா கலையரசன் தெரிவித்தார்.

அம்பாறை கச்சேரியில் இன்று சனிக்கிழமை உள்ளூராட்சி சபைகளுக்கான வேட்புமனுக்களை தாக்கல் செய்துவிட்டு வரும் போது கருத்து தெரிவிக்கையில் அவர் மேற்கண்டவாறு தெரிவித்தார்.

- Advertisement -

கலையரசன்  மேலும் தெரிவிக்கையில்,

நாம் திருக்கோவில் ஆலையடிவேம்பு காரைதீவு சம்மாந்துறை பொத்துவில் நாவிதன்வெளி சம்மாந்துறை ஆகிய ஏழு சபைகளிலே நாங்கள் போட்டியிடுகின்றோம். மக்களின் தெரிவின்படி பெற்ற வேட்பாளர்களை வைத்து இந்த போட்டியிலேயே நாங்கள் போட்டியிடுகின்றோம்.

நிச்சயமாக ஜனநாயகம் முறைப்படி மக்கள் எமக்குரிய ஆணையை தருவார்கள் என்பதிலே 100 வீத நம்பிக்கை இருக்கின்றது .

தமிழ் தேசியக் கூட்டமைப்பான எமது பிரிவு தற்காலிகமானது. தேர்தலிலுக்காகவே நாங்கள் பிரிந்தோம். பிற்பாடு அனைவரும் இணைந்து செயல்படுவதற்கு நூறு வீதம் தயாராக இருக்கின்றோம். என்றார்.

- Advertisement -