இலங்கை செஞ்சிலுவை சங்கத்தின் தலைவி பாதுகாப்பு செயலாளரை சந்தித்தார்
இலங்கை செஞ்சிலுவை சங்கத்தின் தலைவி செவரீன் ஷப்பாஸ் நேற்று புதன்கிழமை பாதுகாப்பு அமைச்சில் பாதுகாப்பு செயலாளர் ஜெனரல் கமல் குணரத்னை சந்தித்தார்.
பாதுகாப்பு அமைச்சுக்கு வருகை தந்த ஷப்பாஸை பாதுகாப்பு செயலாளர் அன்புடன் வரவேற்றார்.
இந்த சந்திப்பின் போது ஜெனரல் குணரத்ன மற்றும் திருமதி ஷப்பாஸ் ஆகியோருக்கு இடையில் சுமுகமான கலந்துரையாடல் ஒன்று இடம்பெற்றது.
பாதுகாப்பு செயலாளர் இலங்கை செஞ்சிலுவை சங்கத்தின் சேவைகளை பாராட்டியதுடன் அதன் எதிர்கால நடவடிக்கைகளுக்கு ஆதரவளிப்பதாக உறுதியளித்தார். இலங்கையில் செஞ்சிலுவை சங்கத்தின் செயற்பாடுகளுக்கு அளிக்கப்படும் ஆதரவுக்கு ஷப்பாஸ்; பாதுகாப்பு செயலாளருக்கு நன்றி தெரிவித்தார்.
செஞ்சிலுவை சங்கத்தின் ஆயுதப்படைகள் பிரதிநிதி பிரதிநிதி திரு. அல்பேர்ட் ஷோனிவெல்ட் மற்றும் பாதுகாப்பு அமைச்சின் இராணுவ இணைப்பு அதிகாரி மேஜர் ஜெனரல் தினேஷ் நாணயக்கார ஆகியோரும் இச்சந்தர்ப்பத்தில் கலந்துகொண்டனர்.