யாழ்.பல்கலைக்கழக கிளிநொச்சி வளாகத்தில், தொழில்நுட்ப பீடம் ஆரம்பிக்கப்பட்டு 10 ஆண்டுகள் நிறைவை முன்னிட்டு, தொழில்நுட்ப பீட மாணவர்கள் மற்றும் விரிவுரையாளர்களின் பங்கேற்புடன், வாகன பேரணி மற்றும் நடைபயணம் நேற்று வியாழக்கிழமை முன்னெடுக்கப்பட்டது.
கிளிநொச்சி கந்தசுவாமி ஆலயம் முன்பாக வாகன பேரணி ஆரம்பிக்கப்பட்டு, இரணைமடு சந்தியில் நிறைவடைந்தது.
அதனைத்தொடர்ந்து, நடைபயணம் இரணைமடு சந்தியிலிருந்து ஆரம்பிக்கப்பட்டு தொழில்நுட்ப பீடத்தில் நிறைவடைந்தது.
2016ம் ஆண்டு ஆரம்பிக்கப்பட்ட தொழில்நுட்ப பீடத்திலிருந்து, தற்போது வரை ஆயிரத்திற்கு மேற்பட்ட மாணவர்கள் பட்டதாரிகளாக வெளியேறியுள்ளனர்.
