Sri Lanka Tamil News Site

ஐரோப்பிய நாடுகளிலும் எரிவாயு தட்டுப்பாடு

- Advertisement -

ஜெர்மனி சமையல் எரிவாயுவிற்கு தட்டுப்பாடு நிலவும் என அறிவித்து சில மணித்தியாலங்களில் ஆஸ்திரிய அரசாங்கம் ஒரு எச்சரிக்கையை அறிவித்துள்ளது. ரஷ்யா – உக்ரைன் மோதலைத் தொடர்ந்து மேற்கத்திய பொருளாதாரத் தடைகள் காரணமாக, டொலர்கள் அல்லது யூரோக்களுக்குப் பதிலாக ரூபிள்களில் பணம் செலுத்த ரஷ்யா வலியுறுத்தினால் நிலமை மேலும் மோசமடையும் என எச்சரிக்கை விடுக்கப்பட்டுள்ளதாக ரஷ்ய டுடே இணையதள செய்தியில் தெரிவிக்கப்பட்டுள்ளது.

இந்த எச்சரிக்கை என்பது “எரிவாயு விநியோகம் மோசமடையக்கூடும் என்பதற்கான அடித்தளம் மற்றும் நம்பகமான அறிகுறிகள் உள்ளன” என்று ஆஸ்திரியாவின் காலநிலை அமைச்சகம் அறிவித்தது , நாட்டின் கையிருப்பு தற்போது 13 சதவீத திறனில் உள்ளதாக அறிவிக்கப்பட்டுள்ளது.

“ஆஸ்திரியாவின் வீடுகள் மற்றும் வணிகங்களுக்கான எரிவாயு விநியோகத்தை உறுதிப்படுத்த அனைத்தும் செய்யப்படும்” என்று அதிபர் கார்ல் நெஹாம்மர் கடந்த புதன்கிழமை தெரிவித்தார். இடையூறுகள் ஏற்பட்டால், வணிக நிலையங்கள் மாற்று வழிகளைத் தேட ஊக்குவிக்கப்படும் என்று அரசாங்கம் தெரிவித்துள்ளது.

- Advertisement -

ரஷ்யாவுடன் “நட்பற்ற நாடுகள்” ரூபிள்களில் பணம் செலுத்தத் தொடங்குவதற்கான ரஷ்யாவின் காலக்கெடுவை நெருங்கிவிட்டதால், இயற்கை எரிவாயு விநியோகத்தில் இடையூறு ஏற்படக்கூடும் என்ற அச்சத்தில், பெர்லின் எரிவாயு தொடர்பாக அவசரகால நிலையை அறிவித்த சில மணிநேரங்களுக்குப் பின்னர் வியன்னாவின் அறிவிப்பு வந்துள்ளமை குறிப்பிடத்தக்கதாகும்.

கடந்த மாதம் உக்ரைன் மீதான ரஷ்யாவின் இராணுவத் தாக்குதலின் காரணமாக விதிக்கப்பட்ட வர்த்தகத் தடைகள் தொடர்பாக ஜெர்மனியும் மற்ற ஐரோப்பிய ஒன்றியமும் மாஸ்கோவால் நட்பற்றவை என்று அறிவிக்கப்பட்டன.

யூரோ அல்லது டாலர்களில் இயற்கை எரிவாயு ஏற்றுமதிக்கான கொடுப்பனவுகளை ரஷ்யாவால் பெற முடியாது என தெரிவித்துள்ள நிலையில் , இது ஒப்பந்தத்தை மீறும் செயற்பாடு என ஐரோப்பிய ஒன்றியத் தலைவர்கள் புகார் தெரிவித்தபோது, தங்கள் தடைகள் அவ்வளவுதான் என்று ரஷ்யா பதிலளித்ததுள்ளது.

ஐரோப்பாவிற்கு இலவசமாக எரிவாயு வழங்கும் எண்ணம் ரஷ்யாவிற்கு இல்லை என்று கிரெம்ளின் செய்தித் தொடர்பாளர் டிமிட்ரி பெஸ்கோவ் தெளிவுபடுத்தினார்.

- Advertisement -