கடந்த ஜூன் மாதம் 26 ஆம் திகதி மொரட்டுவையில் பதிவாகிய மூன்று கொலைச் சம்பவத்துடன் தொடர்புடைய சந்தேக நபர்களுக்கு உதவிய குற்றச்சாட்டின் பேரில் 20 வயதுடைய இளைஞர் ஒருவர் கைது செய்யப்பட்டுள்ளார்.
நேற்று புதன்கிழமை மாலை மொரட்டுவ எகொட உயன பகுதியில் வைத்து குறித்த இளைஞன் கைது செய்யப்பட்டு, கல்கிசை பொலிஸாரிடம் ஒப்படைக்கப்பட்டதாக பொலிஸார் தெரிவித்தனர்.
கொலையுடன் தொடர்புடைய சந்தேக நபர்களுக்காக குறித்த இளைஞர் தனது தேசிய அடையாள அட்டையைப் பயன்படுத்தி இரண்டு மொபைல் சிம்களை கொள்வனவு செய்துள்ளதாக அவர்கள் தெரிவித்தனர்.
மேலதிக விசாரணைகளின் போது சந்தேகநபர்கள் கொலைக்கு பயன்படுத்திய இரண்டு கைத்தொலைபேசிகளை பொலிஸார் கண்டுபிடித்துள்ளனர்.
எகொட உயன பிரதேசத்தை சேர்ந்த குறித்த இளைஞன் இன்று வியாழக்கிழமை மொரட்டுவ நீதவான் நீதிமன்றில் ஆஜர்படுத்தப்படவுள்ளார்.
