Sri Lanka Tamil News Site

பம்பலப்பிட்டி கொள்ளை சம்பவம் : “பம்பாய் ரிஷாக்” கைது

- Advertisement -

பம்பலப்பிட்டி,  கின்ரோஸ் வீதியிலுள்ள வர்த்தகர் ஒருவரின் வீட்டில் திருடப்பட்ட பொருட்களை, விற்பனை செய்து, கொள்ளையடித்து விற்பனை செய்தமை தொடர்பில் தேடப்பட்டு வந்த சந்தேகநபர்கள் இருவர் கைது செய்யப்பட்டுள்ளனர்.

மாளிகாவத்தையைச் சேர்ந்த ‘பொம்பா ரிஷாக்’ வர்த்தகரின் வீட்டில் பொருட்களை உடைத்து திருடிய குற்றத்திற்காக கைது செய்யப்பட்டதாகவும், திருடப்பட்ட பொருட்களை கொள்வனவு செய்த ‘உக்குவா’ கைது செய்யப்பட்டதாகவும் பொலிஸார் தெரிவித்தனர்.

இரண்டு இலட்சம் ரூபா பெறுமதியான திருடப்பட்ட பொருட்களுடன் சந்தேகநபர்கள் இருவரும் கைது செய்யப்பட்டதாக பொலிஸார் தெரிவித்தனர். திருடப்பட்ட பொருட்களை ஏற்றிச் சென்ற முச்சக்கர வண்டியின் சாரதியும் கைது செய்யப்பட்டுள்ளார்.

- Advertisement -

சந்தேகநபர்களிடம் மேற்கொள்ளப்பட்ட விசாரணைகளை அடுத்து, நான்கு இலட்சம் ரூபா பெறுமதியான நான்கு கைக்கடிகாரங்களை பொலிஸார் கைப்பற்றியுள்ளனர். 2 மில்லியன்,  2 தங்க மோதிரங்கள், ஒரு ஐபோன், 10 ஐபேட்கள், ஒரு லேப்டாப், மற்றும் ஏராளமான வெளிநாட்டு நாணயங்கள் அவர்களிடம் இருந்து கைப்பற்றப்பட்டன.

சில தினங்களுக்கு முன்னர் ‘பொம்ம ரிஷாக்’ வர்த்தகரின் வீட்டுக்குள் புகுந்து கொள்ளையடித்த சம்பவம் தொடர்பான விசாரணைகளின் போது மாளிகாவத்தை ஆர்.ஜி.வத்தையில் வைத்து கைது செய்யப்பட்டதாக பொலிஸார் தெரிவித்தனர்.

சந்தேகநபரிடம் மேற்கொள்ளப்பட்ட மேலதிக விசாரணைகளில், திருடப்பட்ட பொருட்களை கொள்வனவு செய்த உக்குவாவின் விபரங்கள் தெரியவந்துள்ளதுடன், பொலிஸார் அவரது வீட்டை சுற்றி வளைத்ததன் பின்னர் அவர் கைது செய்யப்பட்டுள்ளார்.

சந்தேகநபர்கள் இருவரும் போதைப்பொருள் பாவனைக்கு அடிமையானவர்கள் என தெரிவித்த பொலிஸார், அவர்களை நீதிமன்றில் ஆஜர்படுத்தவுள்ளதாக பொலிஸார் மேலும் தெரிவித்தனர்.

- Advertisement -