அமெரிக்காவின் நேற்று ஞாயிறு காலை சிசா 180 என்ற சிறிய ரக விமானம் விபத்துக்குள்ளானதில் நால்வர் உயிரிழந்தனர்.
விஸ்கான்சின் மாகாணம் மெனோமொனி நகரிலிருந்து இல்லியான்ஸ் மாகாணத்திற்கு பயணித்த விமானமே விபத்துக்குள்ளாகியுள்ளதாக சர்வதேச ஊடகங்கள் தெரிவிக்கின்றன.
இல்லியான்ஸ் மாகாணத்தின் டிரில்லா நகரில் விமானம் தரையிறங்குவதற்காக தாழ்வாகப் பறந்துகொண்டிருந்த போது எதிர்பாராத விதமாக வீதியோரம் அமைக்கப்பட்டிருந்த மின் கம்பி மீது விமானம் மோதியுள்ளது.
இதையடுத்து கட்டுப்பாட்டை இழந்த விமானம் வீதியோர வயல்பகுதியில் மோதி வெடித்து சிதறியது.
இவ்விபத்தில் விமானத்தில் பயணித்த 2 பெண்கள் உட்பட நால்வர் உயிரிழந்ததாக சர்வதேச ஊடகங்கள் தெரிவிக்கின்றன.
சம்பவம் தொடர்பில் மேலதிக விசாரணைகளை அந்நாட்டு பொலிஸார் மேற்கொண்டு வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
