ஆசிய பங்குச் சந்தைகள் தொடர்ந்து மூன்றாவது நாளாகவும் சரிவு!

இஸ்ரேல் மற்றும் ஈரான் இடையே அதிகரித்து வரும் பதற்றங்களின் பின்னணியில் ஆசிய பங்குச் சந்தைகள் தொடர்ந்து மூன்றாவது நாளாகவும் சரிந்துள்ளன.

மேலும் எரிபொருள் விலைகளும் உயர்ந்துள்ளதாக தெரிவிக்கப்படுகிறது.

தென் கொரியாவின் கோஸ்பி (Kospi) சந்தை ஆரம்பத்தில் 7% சரிவைச் சந்தித்தது, தற்போது 6% சரிவில் உள்ளது.

ஜப்பானின் நிக்கேய் 225 (Nikkei 225) பங்குச் சந்தை 3.6% வீழ்ச்சியடைந்தது.

அவுஸ்திரேலியாவின் ஏஎஸ்எக்ஸ் 200 (ASX 200) 1.8% சரிந்தது.

ஹொங்கொங்கின் ஹாங் செங் (Hang Seng) சந்தையும் சரிவைச் சந்தித்துள்ளது.

மேலும் ஹார்முஸ் ஜலசந்தியில் (Strait of Hormuz) கப்பல் போக்குவரத்து சீராக இருந்தபோதிலும், இன்று காலை நிலவரப்படி அமெரிக்க கச்சா எண்ணெய் மற்றும் ப்ரெண்ட் கச்சா எண்ணெய் விலைகள் 1.2% உயர்ந்துள்ளன.