தன்னுடைய காதலனுக்கு தலைக்கவசம் ஒன்றை வாங்கிக் கொடுப்பதற்காக கடந்த 18ஆம் திகதி தனக்குத் தெரிந்தவர்களிடம் நடந்தே சென்று பணம் சேர்த்துக்கொண்டிருந்த யுவதியை ஏமாற்றி பாலியல் துஷ்பிரயோகத்துக்கு உட்படுத்தி அவர் வைத்திருந்த 8000 ரூபாயையும் அபகரித்துச் சென்றிருந்த இளைஞனை மாதம்பே பொலிஸார் கைது செய்துள்ளனர்.
கடிகமுவ பிரதேசத்தைச் சேர்ந்த 28 வயதான இளைஞனே இவ்வாறு கைது செய்யப்பட்டுள்ளார.
இந்த யுவதியின் கையால் காதலனின் ஹெல்மெட் அண்மையில், கீழே விழுந்து உடைந்துவிட்டது. ஆகையால் புதிய ஹெல்மெட் ஒன்றை வாங்கிக் கொடுப்பதற்கு தீர்மானித்த அந்த யுவதி பாடசாலைக்குச் செல்லும் வயதுடையவர் என்பதால் அதற்காக போதியளவில் பணம் இருக்கவில்லை.
ஆகையால், தனக்குத் தெரிந்த மற்றும் சந்திப்போரிடம் பணத்தை பெற்றுக்கொள்வதற்கு தீர்மானித்து கலவிடாஹா முதல் காக்கபள்ளி வரையான பகுதியில் தெரிந்தவர்களிடம் பணம் சேகரித்துள்ளார்.
வழியில், இளநீர் விற்றுக்கொண்டிருந்த ஒருவரிடம், அருகில் நின்ற இளைஞனை கவனிக்காது தன்னுடைய நிலைமையைக் கூறி, பணம் கேட்டுள்ளார். பணத்தையும் கொடுத்த இளநீர் வியாபாரி, தாகத்தை தணிப்பதற்கு இளநீர் ஒன்றையும் வெட்டிக்கொடுத்துள்ளார்.
பின்னர் அங்கு வந்த பேருந்தில் காக்கபள்ளி சந்திக்கு சென்றுள்ளார் அப்போது இளநீர் கடைக்கு அருகில் நின்றுக்கொண்டிருந்த இளைஞனும் அவ்விடத்துக்கு வந்துள்ளார். அந்த யுவதியிடம் கதையைக் கொடுத்த இளைஞனிடம், ஹெல்மெட் வாங்குவதற்கு பணம் சேகரிப்பதாக கூறியுள்ளார். தன்னால் உதவ முடியுமெனத் தெரிவித்த இளைஞன், இன்னும் எவ்வளவு பணம் தேவையெனக் கேட்டுள்ளார். தேவையான பணத்தை தன்னால் தரமுடியும் என்றும் அவ்விளைஞன் தெரிவித்துள்ளான்.
அதற்காக, தன்னுடன் வருமாறு அழைத்துச் சென்ற இளைஞன், பத்திரன்டாவ பிரதேசத்தில் பாலடைந்த வீட்டுக்குள் அழைத்துச் சென்று அச்சுறுத்தி, பாலியல் துஷ்பிரயோகத்துக்கு உட்படுத்தியுள்ளார். பின்னர், அந்த யுவதியிடமிருந்த 8 ஆயிரம் ரூபாயையும் அபகரித்துக்கொண்டு தப்பியோடிவிட்டார்.
தனக்கு நேர்ந்ததை தன்னுடைய பெற்றோரிடம் தெரிவித்த அந்த யுவதி, மாதம்பே பொலிஸில் முறைப்பாடு செய்துள்ளார்.
இந்நிலையில், தன்னுடைய காதலனை சந்திப்பதற்காக அந்த யுவதி சிலாபம் பேருந்து நிலையத்துக்குச் சென்றிருந்த வேளையில், தன்னை ஏமாற்றிய இளைஞன் நிற்பதை கண்டுள்ளார். இதுதொடர்பில் பொலிஸாருக்கு தகவல் கொடுத்ததை அடுத்து அவ்விளைஞனை பொலிஸார் கைது செய்துள்ளனர்.
கைது செய்யப்பட்ட இளைஞனிடம் மேலதிக விசாரணைகள் மேற்கொள்ளப்பட்டு வருகின்றன.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
