வேகவைத்து வேர்க்கடலை நன்மைகள்
🟤வேர்க்கடலை ஒரு தனித்துவமான சுவையையும், மணத்தையும் கொண்டது. இந்த வேர்க்கடலையில் ஏராளமான சத்துக்கள் நிறைந்துள்ளன. வேர்க்கடலை சாப்பிடும் பலரது மனதில் இருக்கும் ஒரு கேள்வி, இந்த வேர்க்கடலையை வேக வைத்து சாப்பிடுவது நல்லதா அல்லது வறுத்து சாப்பிடுவது நல்லதா என்பதாகவே இருக்கும்.
🟤வறுத்த வேர்க்கடலை சாப்பிட நன்றாக இருக்கும். இருப்பினும், வேர்க்கடலையில் உள்ள சத்துக்களை முழுமையாக பெற நினைத்தால், அதற்கு அவற்றை ஆவியில் வேக வைத்து சாப்பிட வேண்டும். அதுவும் இப்படி வேக வைத்த வேர்க்கடலையை அடிக்கடி உணவில் சேர்த்து வந்தால், உடலில் உள்ள பல உறுப்புக்களின் ஆரோக்கியம் மேம்படும். வேர்க்கடலையை வேக வைத்து சாப்பிடுவதால் என்னென்ன நன்மைகள் கிடைக்கும் என்பதை தெரிந்து கொள்ளலாம்.
🥜பலரும் வேர்க்கடலை உடல் பருமனை அதிகரிக்கும் என்று தான் நினைக்கிறார்கள். ஆனால் வேர்க்கடலையை வேக வைத்து சாப்பிடுவதன் மூலம், அதுவும் மிதமான அளவில் உட்கொள்வதன் மூலம் பசியுணர்வு குறைவதோடு, அதில் உள்ள புரோட்டீன் மற்றும் நார்ச்சத்துக்களால் நீண்ட நேரம் பசி எடுக்காமலும் இருக்கும். எனவே டயட்டில் இருப்போருக்கு இது ஒரு சிறந்த உணவு.
🥜வேர்க்கடலையில் ஃபோலேட் மற்றும் நியாசின் போன்ற சத்துக்கள் வளமான அளவில் நிறைந்துள்ளன. இச்சத்துக்கள் மூளையின் ஆரோக்கியத்திற்கு மிகவும் இன்றியமையாதவையாகும். அதுவும் இச்சத்துக்களானது அறிவாற்றல் செயல்பாட்டிலும், நரம்பு மண்டலத்தை ஆரோக்கியமாக பராமரிப்பதிலும் முக்கிய பங்கை வகிக்கின்றன.
🥜வேக வைத்த வேர்க்கடலையில் புரோட்டீன், ஆரோக்கியமான கொழுப்புக்கள், நார்ச்சத்து போன்ற அத்தியாவசிய சத்துக்கள் மற்றும் பல்வேறு வைட்டமின்கள், கனிமச்சத்துக்கள் வளமான அளவில் உள்ளன. இந்த சத்துக்கள் அனைத்தும் ஒட்டுமொத்த உடல் ஆரோக்கியத்தை மேம்படுத்துவதில் முக்கிய பங்கை வகிக்கின்றன.
🥜வேர்க்கடலையில் நார்ச்சத்து அதிகமாக உள்ளதால், இது இரத்தத்தில் சர்க்கரையை மெதுவாக வெளியிடச் செய்து, இரத்த சர்க்கரையை சீராக வைத்துக் கொள்ள உதவும். எனவே சர்க்கரை நோயாளிகள் அல்லது சர்க்கரை நோயின் அபாயத்தில் இருப்பவர்களுக்கு வேக வைத்த வேர்க்கடலை ஒரு சிறந்த உணவாக இருக்கும்.
🥜வேர்க்கடலையில் ஆன்டி-ஆக்ஸிடன்ட்டுகளான ரெஸ்வெராட்ரால் வளமான அளவில் உள்ளன. இந்த ஆன்டி-ஆக்ஸிடன்ட்டுகள் உடலில் ப்ரீ ராடிக்கல்களை நடுநிலையாக்க உதவுகின்றன. மேலும் ஆன்டி-ஆக்ஸிடன்ட்டுகள் ஆக்ஸிஜனேற்ற அழுத்தம் மற்றும் வீக்கத்தைக் குறைக்கவும் உதவுகின்றன.
🥜வேக வைத்து வேர்க்கடலையை சாப்பிடும் போது, அதில் உள்ள மோனாஅன்சாச்சுரேட்டட் மற்றும் பாலிஅன்சாச்சுரேட்டட் கொழுப்புக்கள் போன்ற இதய ஆரோக்கியத்திற்கு தேவையான நல்ல கொழுப்புக்கள் கிடைக்கும். இந்த கொழுப்புக்களை ஒருவர் மிதமான அளவில் எடுத்து வந்தால், அது உடலில் உள்ள கெட்ட கொலஸ்ட்ரால் அளவைக் குறைத்து, இதய நோயின் அபாயத்தையும் குறைக்கும்.
வேகவைத்து வேர்க்கடலை நன்மைகள்
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
