கென்ய நாடாளுமன்ற உறுப்பினர் ஒருவர் தலைநகர் நைரோபியின் பிரதான வீதியில் வைத்து மோட்டார் சைக்கிளில் வந்த துப்பாக்கிதாரிகளல் சுட்டுக் கொல்லப்பட்டுள்ளார்.
தாக்குதல் நடத்தியவர்கள் நாடாளுமன்ற உறுப்பினர் சார்லஸ் ஓங்கோண்டோ வேரின் வாகனத்தை பின்தொடர்ந்து சென்றதாகவும், அவர்களில் ஒருவர் மோட்டார் சைக்கிளில் இருந்து இறங்கி அவரை மிக அருகில் இருந்து சுட்டதாகவும் பொலிசார் தெரிவித்துள்ளனர்.
“இந்த குற்றத்தின் தன்மை இலக்கு வைக்கப்பட்டு முன்னரே தீர்மானிக்கப்பட்டதாகத் தெரிகிறது” என்று பொலிஸ் செய்தித் தொடர்பாளர் முச்சிரி நியாகா ஒரு அறிக்கையில் தெரிவித்தார்.
எதிர்க்கட்சி நாடாளுமன்ற உறுப்பினர் இரண்டு மாதங்களுக்கு முன்பு தனது உயிருக்கு அச்சுறுத்தல் இருப்பதாக புகார் அளித்ததாக உள்ளூர் ஊடகங்கள் செய்தி வெளியிட்டுள்ளன.
புதன்கிழமை இரவு நடந்த துப்பாக்கிச் சூட்டையடுத்து அவரது ஓட்டுநர் மற்றும் மெய்க்காப்பாளர் இருவரும் காயமடைந்த நாடாளுமன்ற உறுப்பினரை நைரோபி மருத்துவமனைக்கு கொண்டு சென்ற நிலையில் இறந்துவிட்டதாக அறிவிக்கப்பட்டது.
தாக்குதல் குறித்து முழுமையான விசாரணை நடத்துமாறு காவல்துறையினருக்கு ஜனாதிபதி வில்லியம் ரூட்டோ உத்தரவிட்டுள்ளார்.
புதன்கிழமை இரவு சம்பவ இடத்திற்கு வருகை தந்த சக சட்டமன்ற உறுப்பினர்கள் கொலையில் அதிர்ச்சியையும் கோபத்தையும் வெளிப்படுத்தினர் மற்றும் விரைவான விசாரணைகள் மற்றும் நீதிக்கு அழைப்பு விடுத்தனர்.
நாடாளுமன்ற சபாநாயகர் மோசஸ் வெட்டங்குலா எம்.பி.யை “அச்சமற்ற மற்றும் புகழ்பெற்ற” சட்டமன்ற உறுப்பினர் என்று வர்ணித்தார், அவரது துப்பாக்கிச் சூடு “பேரழிவு” என்று தெரிவித்துள்ளார்.
அவரது கொலைக்கான நோக்கம் இன்னும் தெளிவாகத் தெரியவில்லை என்றும் மென்மையான பேச்சு கொண்ட சட்டமன்ற உறுப்பினர் சில “வாடகைக்கு அமர்த்தப்பட்ட குண்டர்கள்” தன்னை படுகொலை செய்ய சதி செய்வதாகவும், இந்த சதித்திட்டத்திற்கு உள்ளூர் அரசியலைக் காரணம் காட்டி வருவதாகவும் பகிரங்கமாகக் கூறியிருந்தார்.
கடந்த பிப்ரவரியில், அவர் பிரதிநிதித்துவப்படுத்தும் மேற்கு கென்யாவில் உள்ள காசிபுல் தொகுதியில் பொது நிகழ்வுகளின் போது அதிகரித்து வரும் வன்முறை மற்றும் அமைதியின்மை குறித்து அவர் கவலை தெரிவித்தார்.
