ஹட்டன் – நோட்டன்பிரிட்ஜ் பொலிஸ் பிரிவுக்கு உட்பட்ட ஹகராபிடிய, ஜம்புதென்ன பகுதியில் மூன்று வர்த்தக நிலையங்களில் இன்று வெள்ளிக்கிழமை அதிகாலை 1.30 மணியளவில் தீ பரவல் ஏற்பட்டுள்ளது.
கட்டட நிர்மாணப் பொருட்கள் விற்பனை நிலையம், மளிகைக் கடை மற்றும் மட்பாண்டம் விற்பனை நிலையம் என்பவற்றிலேயே தீ பரவல் ஏற்பட்டுள்ளது
தீ விபத்தில் மளிகைக் கடை முற்றாக தீக்கிரையாகியுள்ளதுடன் ஏனைய இரு கடைகளும் பகுதியளவு சேதமடைந்துள்ளன.
மின்கசிவு காரணமாக தீ பரவல் ஏற்பட்டிருக்கலாம் என பொலிஸார் சந்தேகிக்கின்றனர். இது தொடர்பில் பொலிஸார் விசாரணைகளை மேற்கொண்டு வருகின்றனர்.
