மட்டக்களப்பு மாவடிவேம்பு கிராமசேவகர் பிரிவில் தொடர்ச்சியாக கசிப்பு உற்பத்தி மற்றும் அதனால் பொதுமக்கள் பாதிக்கப்படுவது தொடர்பில் செங்கலடி பிரதேசசபை தவிசாளர் முத்துப்பிள்ளை முரளிதனுக்கு பொதுமக்கள் ஊடாக முறைப்பாடுகள் அளிக்கப்பட்டது.
இந்த நிலையில் அடையாளம் காணப்பட்ட சில இடங்களை சந்திவெளி பொலிஸ் நிலைய அதிகாரி உட்பட செங்கலடி பிரதேச சபையின் தவிசாளர் உள்ளிட்ட சித்தாண்டி சிவில் சமூக செயற்பாட்டாளர்களுடன் இணைந்து குறித்த இடங்களுக்கு சென்று பார்வையிட்டு அங்குள்ளவர்களுக்கு எச்சரிக்கையும் விடுக்கப்பட்டது.
தவிசாளர் மற்றும் பொதுமக்களின் வேண்டுகோளுக்கு இனங்க கசிப்பு விற்பனை செய்யப்படுவதாக இனம் காணப்பட்ட மாவடிவேம்பிலுள்ள சில இடங்களுக்கு இன்றிலிருந்து இரண்டு பொலிசார் கண்காணிப்பு நடவடிக்கையிலும் ஈடுபடுத்த பொலிஸார் நடவடிக்கை எடுத்தனர்.
இன்று புதன்கிழமை இடம்பெற்ற கசிப்பு தொடர்பான சுற்றிவலைப்பில் சித்தாண்டி சிவில் சமூக செயற்பாட்டு இளைஞர்கள் பலர் கலந்துகொண்டு சட்ட விரோத கசிப்பு உற்பத்தி மற்றும் விற்பனை செய்கின்ற இடங்களை கட்டுப்படுத்தும்வரை தங்களின் கிராமம்சார் சமூச செயற்பாடுகள் பொலிஸாருடன் இணைந்து தொடரும் என தெரிவித்ததுடன் சித்தாண்டியில் பல இடங்கள் தற்போது கசிப்பு உற்பத்தி மற்றும் விற்பனையில் இருந்து தங்களின் கட்டுப்பாட்டுக்குள் கொண்டுவரப்பட்டுள்ளதாவும் தெரிவித்தனர்.
