-நுவரெலியா நிருபர்-
நானுஓயா பெரகும்புர வீதியில் இடம்பெற்ற விபத்தில், ஒருவர் படுகாயமடைந்துள்ளார்.
இந்த விபத்து இன்று செவ்வாய்க்கிழமை காலை இடம்பெற்றுள்ளது.
பெரகும்புர பகுதியில் இருந்து, நானுஓயா நோக்கி சென்று கொண்டிருந்த, இலங்கை போக்குவரத்து சபைக்கு சொந்தமான பேருந்தும், நானுஓயாவிலிருந்து பெரகும்புர நோக்கி எதிர் திசையில் பயணித்த, மோட்டார் சைக்கிளும் மோதியதில் விபத்து இடம்பெற்றுள்ளது.
விபத்தில், மோட்டார் சைக்கிளின் ஓட்டுனர் படுகாயமடைந்துள்ள நிலையில், சிகிச்சைக்காக நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளார்.
இவ்வாறு மோட்டார் சைக்கிளில் பயணித்தவர், எடின்புரோ தோட்ட முகாமையாளர் என பொலிஸார் தெரிவித்தனர் இ
பேருந்து மற்றும் மோட்டார் சைக்கிள் ஆகியன நானுஓயா பொலிஸ் நிலையத்திற்கு எடுத்து செல்லப்பட்டு, மேலதிக விசாரணைகளை நானுஓயா பொலிஸார் முன்னெடுத்து வருகின்றனர்.
