மலிங்கவின் சாதனையை முறியடித்த ஹர்ஷல் படேல்

ஐபிஎல் தொடரின் 61 ஆவது போட்டி நேற்று திங்கட்கிழமை லக்னோவில் நடைபெற்றது.

இதில் லக்னோ சூப்பர் ஜெயன்ட்ஸ் – சன்ரைசர்ஸ் ஐதராபாத் அணிகள் மோதின. இப்போட்டியில் நாணய சுழற்சியில் வென்ற சன்ரைசர்ஸ் ஐதராபாத் அணி தலைவர் கம்மின்ஸ் நாணய சுழற்சியில் வென்று பந்து வீச்சை தேர்வு செய்தார்.

அதன்படி முதலில் களமிறங்கிய லக்னோ அணி 20 ஓவரில் 7 விக்கெட் இழப்பிற்கு 205 ஓட்டங்களை குவித்துள்ளது. அதிகபட்சமாக மார்ஷ் 65 ஓட்டங்களையும், மார்க்ரம் 61 ஓட்டங்களையும் பெற்றனர்.

இதனையடுத்து, 206 ஓட்டங்களை பெற்றால் வெற்றி என்ற இலக்குடன் களமிறங்கிய ஐதராபாத் அணி 18.2 ஓவர்கள் முடிவில் 206 ஓட்டங்களை பெற்று வென்றி பெற்றது.

இப்போட்டியில் 1 விக்கெட் வீழ்த்தியதன் மூலம் ஐபிஎல் தொடரில் மிகக் குறைந்த பந்துகளில் 150 விக்கெட்டுகள் வீழ்த்திய பந்துவீச்சாளர் என்ற லசித் மலிங்கவின் சாதனையை ஐதராபாத் வீரர் ஹர்ஷல் படேல் முறியடித்தார்.

ஹர்ஷல் படேல் 2,381 பந்துகள் வீசி 150 விக்கெட்டுகளை கைப்பற்றியுள்ளார். இவருக்கு அடுத்த இடத்தில் மலிங்க (2,444 பந்துகள்), சாஹல் (2,543 பந்துகள்), ப்ராவோ (2,656 பந்துகள்), பும்ரா (2,832 பந்துகள்) ஆகியோர் உள்ளனர்.