வாயு தொல்லை அறிகுறிகள்
🟤இன்றைய காலத்தில் நிறைய மக்கள் வாயுப் பிரச்சனையால் அதிகம் பாதிக்கப்பட்டுள்ளனர். இதற்கு முக்கிய காரணம் உண்ணும் உணவுகள் மற்றும் பழக்கவழக்கங்களாகும். ஏனெனில் உணவை உண்ணும் போது எவ்வாறு உண்ண வேண்டும், எந்த உணவை உண்ண வேண்டும், எப்படி இருக்க வேண்டும் என்று எதுவுமே தெரியாமல், நடந்து கொள்கின்றனர்.
🟤வாயு (ஃபர்டிங் அல்லது பாஸிங் வெயிண்ட் என்றும் அழைக்கப்படுகிறது) என்பது செரிமான அமைப்பு வழியாக பின் பாதையில் (மலக்குடல்/ஆசனவாய்) வாயு வெளியேறுவதாகும். ஒரு நாளைக்கு 5-15 முறைக்கு இடையில் மணமற்ற மற்றும் மட்டுப்படுத்தப்பட்ட காற்றைக் கடந்து செல்வது அனைவருக்கும் இயல்பான செயலாகும்.
🟤வாயு தொல்லை ஒரு பெரிய பிரச்சனை இல்லையென்றாலும் இதனால் அவதிப்படும் மக்கள் ஏராளம். நாம் இந்த பதிவில் வாயு தொல்லை இருந்தால் எவ்வாறான அறிகுறிகள் வெளிப்படும் என்பதைத் தெரிந்து கொள்வோம்.
வாயு தொல்லை வர காரணம்:
- காலை உணவை தவிர்ப்பவர்களுக்கு வாய்வு தொல்லை வருவதற்கு வாய்ப்பு உண்டு.
- பசி எடுக்கும் போது சாப்பிடாமல் தள்ளி போடும் போது வாயு அதிகமாகிறது.
- கோதுமை கலந்த உணவு சாப்பிடும் போது உடலில் glutenin அளவு அதிகரிக்கும் போது வாயு தொல்லை ஏற்படுகிறது.
- உணவு பொருள்களில் மசாலா, காரம் நிறைந்த உணவுகளை அவ்வபோது எடுக்கும் போதும் வாயுப் பிரச்சனை உண்டாக்குகிறது.
- பட்டாணி, மொச்சை, கொண்டை கடலை, உருளை க்கிழங்கு போன்றவற்றை அதிகம் உணவில் சேர்ப்பதன் மூலம் வாயயுப் பிரச்சனை உண்டாகும்.
- அதிகம் எண்ணெய் உள்ள உணவு, சர்க்கரை அதிகம் உள்ள உணவு, துரித உணவு, பாலை அதிகமாக குடிப்பது போன்றவை வாயு தொல்லைக்கு காரணமாக உள்ளது.
வாயுத் தொல்லை அறிகுறிகள்:
- சாப்பிட்டு முடித்ததும் ஏப்பம் வருவது வாயு தொல்லை இருப்பதற்கான முதல் அறிகுறியாகும்.
- உணவு உண்ட பின்பு வயிறு உப்புசமாக இருப்பது, குதிகால் வலி, இடுப்பு பிடி, திடீரென்று தலைசுற்றல் வருவது போன்றவை வாயு தொல்லை இருப்பதற்கான அறிகுறியாகும்.
- வயிறு மந்த நிலையில் இருப்பது, மூச்சு பிடிப்பு, வயிற்று போக்கு அல்லது மலச்சிக்கல், வயிற்று பிடிப்பு போன்றவை வாயு தொல்லை அறிகுறிகள் ஆகும்.
- சிறிதளவு சாப்பிட்டால் கூட ஏப்பம் வருவது மற்றும் ஆசன வாய் வழியாக வாயு வெளியேறுவது, சாப்பிட்டு முடித்ததும் வயிறு வீங்கி இருப்பது போன்றவை உடம்பில் வாயு இருப்பதற்கான அறிகுறிகள் ஆகும்.
- காலை உணவை எடுத்தால் மாலை வரை பசியில்லாமல் இருக்கும். மதிய உணவு எடுத்தால் இரவு பசியின்மை உண்டாகும். இந்த அறிகுறிகள் இருந்தால் உடலில் வாயு அதிகமிருக்கிறது என்று உணர்ந்துகொள்ள முடியும்.
வாயு தொல்லை அறிகுறிகள்
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
