ஈரான் அதிபரை கொன்ற ஹெலிகாப்டர் விபத்தை காட்டும் படங்கள் என சில படங்கள் X தளம் உள்ளிட்ட சமூக வலைத்தளங்களில் பகிரப்பட்டு வருகின்றது.
செய்திகளிலும் குறித்த படங்கள் பிரசுரிக்கப்பட்டு வருகின்றது.
எனினும் குறித்த படங்கள் ஈரான் ஜனாதிபதி உயிரிழந்த விபத்து சம்பவத்தின் படங்கள் அல்ல.
குறித்த படத்தில் காட்டப்பட்டுள்ள நிகழ்வு 2020 ஈரான் பொலிஸ் விமானம் விபத்துக்குள்ளான காட்சியை படம் காட்டுகிறது.
குறித்த பொலிஸ் விமான விபத்து தொடர்பான படங்கள் X இல் 22 ஏப்ரல் 2020 அன்று ஈரானிய மனிதாபிமான அமைப்பான Red Crescent ஆல் பகிரப்பட்டது.
இது ஈரானில் சல்மான் ஷஹருக்கு அருகில் உள்ள தளத்தைக் காட்டுகிறது. அங்கு பிஷே கோலாவிலிருந்து தெஹ்ரானுக்குச் சென்ற விமானம் விபத்துக்குள்ளானது. விமானி மற்றும் துணை விமானி கொல்லப்பட்டார் என அந்த பதிவு தெரிவிக்கின்றது.
ஜனாதிபதி ரைசி மற்றும் பிற அதிகாரிகள் மே 19 அன்று வடக்கு ஈரானின் மலைப்பாங்கான நிலப்பரப்பில் கடுமையான மூடுபனிக்கு மத்தியில் அவர்களின் ஹெலிகாப்டர் விபத்துக்குள்ளானதில் கொல்லப்பட்டதாக அதிகாரிகள் மற்றும் அரசு ஊடகங்களின் அறிக்கைகள் தெரிவிக்கின்றன.
ஆனால் இந்த விபத்து தொடர்பாக பகிரப்பட்ட இன்ஸ்டாகிராம் பதிவில் உள்ளது அந்த விபத்து நடந்த காட்சி இல்லை. அதற்கு பதிலாக, நான்கு ஆண்டுகளுக்கு முன்பு விபத்துக்குள்ளான ஈரானிய பொலிஸ் விமானத்தின் இடிபாடுகளை இது காட்டுகிறது.
ரைசியை ஏற்றிச் சென்றபோது விபத்துக்குள்ளான ஹெலிகாப்டர் பெல் 212 என்று ஈரான் அரசு ஊடகங்களை மேற்கோள் காட்டி செய்திகள் வெளியிட்டுள்ளன.
எனினும் குறித்த விபத்து தொடர்பான படங்கள் என பகிரப்படும் படத்தில் இருக்கும் விமானம் எண் 1136 என காட்டுகிறது.
Fact Checking Source :
https://en.mehrnews.com/news/157923/Iran-s-police-training-plane-crashes-in-Mazandaran-prov
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
