ஜம்மு – காஷ்மீரில் திடீரென பெய்த கனமழையால் சுமார் 46 பேர் உயிரிழந்துள்ளதாகவும் 200க்கும் மேற்பட்டோர் காணாமல் போயுள்ளதாக இந்திய செய்திகள் தெரிவிக்கின்றன.
120க்கும் அதிகமானோர் காயமடைந்துள்ளனர்.
இது ஒரு வாரத்திற்குள் இமயமலையில் ஏற்பட்ட இரண்டாவது பேரழிவாகும்.
பிரபலமான புனித யாத்திரைப் பாதையில் ஒரு நிறுத்தப் புள்ளியான கிஷ்த்வார் மாவட்டத்தின் சசோதி நகரில் இந்த சம்பவம் நிகழ்ந்துள்ளது.
இமயமலை மாநிலமான உத்தரகாண்டில் ஒரு கிராமம் முழுவதையும் பலத்த வெள்ளம் மற்றும் மண்சரிவு சூழ்ந்து ஒரு வாரத்திற்குப் பிறகு இது நடந்துள்ளது.
இமாசலப் பிரதேசத்தில் தொடர்ந்து பல நாட்களாகக் கனமழை பெய்து வருகிறது, அதனுடன் நிலச்சரிவு, வெள்ளம் என்பன தொடர்ச்சியாக ஏற்பட்டு வருகின்றன.
வெள்ளப் பெருக்கில் சிக்கியவர்களை மீட்கும் பணியில் மீட்புக்குழுவினர் ஈடுபட்டுள்ளனர்.
நிலச்சரிவில் சிக்கி பலியானோருக்குப் பிரதமர் நரேந்திர மோடி இரங்கல் தெரிவித்துள்ளார்.
இந்த நிலையில், நிலச்சரிவில் சிக்கி உயிரிழந்தோர் எண்ணிக்கை 45 ஆக உயர்ந்துள்ளது.
அதிகமானோர் காணாமல் போயுள்ளதால் பலி எண்ணிக்கை மேலும் அதிகரிக்கலாம் என அஞ்சப்படுகிறது.
