-கிளிநொச்சி நிருபர்-
கிளிநொச்சி பரந்தன் பகுதியில் இன்று வெள்ளிக்கிழமை அதிகாலை 5.30 மணியளவில் ஏற்பட்ட விபத்தில் இருவர் உயிரிழந்துள்ளனர்
யாழ்ப்பாணத்திலிருந்து நுவரெலியா நோக்கி பயணித்த இலங்கை போக்குவரத்து சபைக்கு சொந்தமான பேருந்து, பரந்தன் அரச விதை உற்பத்தி நிலையத்திற்கு முன்பாக உள்ள தரிப்பிடத்தில் நிறுத்திய போது, பின்னால் வந்த டிப்பர் வாகனம் வேக கட்டுப்பாட்டை இழந்து பேருந்துடன் மோதி விபத்துக்குள்ளானது.
இதே வேளை, டிப்பருக்கு பின்னால் பயணித்த மோட்டார் சைக்கிள், வேக கட்டுப்பாட்டை இழந்து டிப்பருடன் மோதி விபத்துக்குள்ளானது.
இதன் போது, மோட்டார் சைக்கிளில் பயணித்தவர் சம்பவ இடத்திலேயே உயிரிழந்தார்.
மோட்டார் சைக்கிளில் பயணித்த மற்றுமொருவர் படுகாயம் அடைந்து கிளிநொச்சி வைத்தியசாலையில் அனுமதிக்கப்பட்ட பின் உயிரிழந்துள்ளார்.
விபத்து தொடர்பான மேலதிக விசாரணைகளை கிளிநொச்சி பொலிஸார் மேற்கொண்டு வருகின்றனர்.
