வேல்ஸைச் சேர்ந்த நடிகர் மேத்யூ ரைஸ், 2026ஆம் ஆண்டுக்கான எம்மி விருது விழாவில் ஒரே இரவில் இரண்டு முன்னணி நடிகர் விருதுகளை வென்று வரலாறு படைத்துள்ளார்.
‘விடோஸ் பே(Widow’s Bay)’ தொடரில் நடித்ததற்காக சிறந்த நகைச்சுவைத் தொடருக்கான முன்னணி நடிகர் விருதையும், ‘தி பீஸ்ட் இன் மீ(The Beast in Me)’ தொடருக்காக சிறந்த குறுந்தொடர்/தொகுப்பு தொடருக்கான முன்னணி நடிகர் விருதையும் அவர் வென்றார். ஒரே ஆண்டில் இரு வெவ்வேறு முன்னணி நடிகர் பிரிவுகளில் எம்மி விருதுகளை வென்ற முதல் நடிகர் என்ற சாதனையை அவர் படைத்துள்ளார்.
இதன் மூலம், 2018ஆம் ஆண்டு ‘தி அமெரிக்கன்ஸ்(The Americans)’ தொடருக்காக வென்ற நாடகத் தொடருக்கான முன்னணி நடிகர் விருதுடன் சேர்த்து, மூன்று முக்கிய முன்னணி நடிப்பு பிரிவுகளிலும் எம்மி விருது வென்ற முதல் ஆண் நடிகர் என்ற மற்றொரு சாதனையையும் மேத்யூ ரைஸ் பெற்றுள்ளார்.
