இங்கிலாந்து தொடருக்கு சில வீரர்கள் தாமதமாக சென்றது குறித்து அர்ஜுன ரணதுங்க கேள்வி?

இங்கிலாந்து சுற்றுப்பயணத்திற்காக இலங்கை அணியின் சில வீரர்கள் தாமதமாக இங்கிலாந்து சென்றது தொடர்பில் இலங்கை கிரிக்கெட் நிர்வாகத்திடம் முன்னாள் அணித்தலைவர் அர்ஜுன ரணதுங்க கேள்வி எழுப்பியுள்ளார்.

கரீபியன் பிரீமியர் லீக் (CPL) போட்டிகளில் பங்கேற்ற சில வீரர்கள், அந்தப் போட்டிகள் நிறைவடைந்த பின்னர் நேரடியாக லண்டன் சென்றதாகவும், இதனால் இங்கிலாந்து தொடருக்கு முன்பான அணியின் தயாரிப்பு மற்றும் உடற்தகுதி குறித்து கேள்விகள் எழுந்துள்ளதாகவும் தகவல்கள் வெளியாகியுள்ளன.

இங்கிலாந்து தொடரில் இலங்கை அணி மூன்று T20 போட்டிகள் மற்றும் மூன்று ஒருநாள் போட்டிகளில் விளையாடுகிறது. T20 தொடர் செப்டம்பர் 15 முதல் 19 வரை நடைபெற்ற நிலையில், ஒருநாள் தொடர் செப்டம்பர் 22 முதல் 27 வரை நடைபெறுகிறது.

இந்நிலையில், வீரர்களின் பயணத் திட்டம், போட்டிகளுக்கு இடையிலான ஓய்வு மற்றும் சர்வதேச தொடருக்கு முன்னதாக போதுமான தயாரிப்பு மேற்கொள்ளப்பட்டதா என்பது தொடர்பில் ரணதுங்கவின் கேள்விகள் கவனத்தை ஈர்த்துள்ளன.