அமெரிக்காவின் புளோரிடா மாநிலத்தில் உள்ள ‘அலிகேட்டர் அல்காட்ராஸ்(Alligator Alcatraz)’ என அழைக்கப்படும் குடியேற்றத் தடுப்பு முகாமில், குடியேறிகள் சிறிய வெளிப்புற கூண்டுகளில் அடைத்து வைக்கப்பட்டிருந்ததாக விசாரணையாளர்கள் கண்டறிந்துள்ளனர்.
முகாமில் தடுத்து வைக்கப்பட்டுள்ளவர்களின் நிலை குறித்து மேற்கொள்ளப்பட்ட ஆய்வில், அவர்கள் போதிய இடவசதி மற்றும் தனியுரிமை இல்லாத சூழலில் வைக்கப்பட்டதாகவும், கடுமையான வெப்பம் மற்றும் வெளிப்புற சூழலுக்கு அவர்கள் ஆளாகியிருந்ததாகவும் குற்றச்சாட்டுகள் முன்வைக்கப்பட்டுள்ளன.
குடியேற்றத் தடுப்பு நடவடிக்கைகளில் மனித உரிமைகள் மற்றும் தடுத்து வைக்கப்பட்டவர்களின் அடிப்படை வசதிகள் உறுதி செய்யப்பட வேண்டும் என மனித உரிமை அமைப்புகள் வலியுறுத்தியுள்ள நிலையில், ‘அலிகேட்டர் அல்காட்ராஸ்(Alligator Alcatraz)’ முகாம் தொடர்பான சர்ச்சை மேலும் தீவிரமடைந்துள்ளது.
