இந்தியப் பிரதமரால் திறக்கப்பட்ட விவசாய சேமிப்பு வளாகம் இன்னும் செயல்படவில்லை: ஹர்ஷ டி சில்வா
இந்தியப் பிரதமர் நரேந்திர மோடியின் விஜயத்தின் போது திறக்கப்பட்ட தம்புள்ளையில் உள்ள வெப்பநிலை மற்றும் ஈரப்பதம் கட்டுப்படுத்தப்பட்ட விவசாய சேமிப்பு வளாகம் இன்னும் செயல்படவில்லை என்று எதிர்க்கட்சி நாடாளுமன்ற உறுப்பினர் டாக்டர் ஹர்ஷ டி சில்வா குற்றம் சாட்டியுள்ளார்.
தம்புள்ளையில் உள்ள வெப்பநிலை மற்றும் ஈரப்பதம் கட்டுப்படுத்தப்பட்ட விவசாய சேமிப்பு வளாகத்திற்கு நேற்று செவ்வாய்க்கிழமை கண்காணிப்பு விஜயம் மேற்கொண்டபோது, குறித்த விவசாய சேமிப்பு வளாகம் செயல்படும் நிலையில் இல்லாவிட்டாலும், அதன் திறப்பு விழாவை அறிவித்ததன் மூலம் தற்போதைய அரசாங்கம் பொதுமக்களை தவறாக வழிநடத்தியுள்ளது என்று நாடாளுமன்ற உறுப்பினர் டாக்டர் ஹர்ஷ டி சில்வா கூறினார்.
பெயர் பலகையை நிறுவுவதைத் தவிர, அந்த இடத்தில் உண்மையான முன்னேற்றம் எதுவும் ஏற்படவில்லை என்று அவர் மேலும் கூறினார்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
