உலகின் தலைசிறந்த கால்பந்து வீரரான லியோனல் மெஸ்ஸி, இந்திய பிரதமர் நரேந்திர மோடியின் பிறந்தநாளையொட்டி அவருக்கு விசேட பரிசு ஒன்றை அனுப்பி வைத்துள்ளார்.
இந்திய பிரதமர் நரேந்திர மோடி இன்று (17) தன்னுடைய 75ஆவது பிறந்த நாளைக் கொண்டாடுகிறார் .
அவருக்குப் பரிசளிக்கும் விதமாக, தன்னுடைய கையொப்பமிட்ட ஜெர்ஸி ஒன்றை மெஸ்ஸி பரிசளித்துள்ளார் .
உலகின் புகழ்பெற்ற கால்பந்து நட்சத்திரமும், ஆர்ஜென்டீனா அணியின் தலைவருமான லியோனல் மெஸ்ஸி, இவ்வருடத்தின் இறுதியில் இந்தியாவுக்கு சுற்றுப்பயணம் மேற்கொள்ளவுள்ளார் .
மூன்று நாள்கள் இந்தியாவுக்கு சுற்றுப்பயணம் மேற்கொள்ளும் மெஸ்ஸி டெல்லி , மும்பை கல்கத்தாவில் நடைபெறும் நிகழ்ச்சிகளிலும் பங்கேற்கவுள்ளதாக தெரிவிக்கப்பட்டுள்ளது.
இதேநேரம் இந்திய பிரதமர் நரேந்திர மோடியையும் சந்திக்கவுள்ளதாக எதிர்பார்க்கப்படுகிறது.
