பெருந்தொகை போதைப்பொருள்களுடன் கனடா பிரஜை கைது

கட்டுநாயக்க சர்வதேச விமான நிலையத்தில் சுமார் 400 மில்லியன் ரூபாய் மதிப்புள்ள
போதைப்பொருள்களுடன் 52 வயது கனடா பிரஜை ஒருவர் இன்று வெள்ளிக்கிழமை காலை சுங்க போதைப்பொருள் கட்டுப்பாட்டுப் பிரிவு அதிகாரிகளால் கைது செய்யப்பட்டுள்ளார் .

சந்தேகநபர், கனடாவின் ஒன்ராறியோவைச் சேர்ந்தவர் என தெரிவிக்கப்படுகிறது.சந்தேகநபர் கனடாவிலிருந்து கட்டாரின் டோஹா வழியாக கட்டுநாயக்கவுக்கு வந்துள்ளார் .

சந்தேகநபரின் பயணப் பொதிகளை சோதனையிட்டபோது, அதில் 12 கிலோ 196 கிராம் ஹஷீஷ் மற்றும் 5 கிலோ 298 கிராம் கொக்கேய்ன் ஆகிய போதைப்பொருள்கள் கண்டுபிடிக்கப்பட்டுள்ளன .

சம்பவம் தொடர்பான மேலதிக விசாரணைகளை கட்டுநாயக்க விமான நிலைய பொலிஸ் போதைப்பொருள் தடுப்பு பிரிவு மேற்கொண்டு வருகிறது.