திருத்தப்பட்ட நிர்வாக விதிகளை ஏற்றுக் கொள்ளாத நிலையில் இந்தியக் கால்பந்துக்குத் தடை விதிக்கப்படும் -பிபா

திருத்தப்பட்ட நிர்வாக விதிகளை ஏற்றுக் கொள்ளாத பட்சத்தில், இந்தியக் கால்பந்துக்குத் தடை விதிக்கப்படும் என பிபா எச்சரித்துள்ளது.

அகில இந்தியக் கால்பந்து கூட்டமைப்பு நிர்வாக விதிகள் தொடர்பான வழக்கு, கடந்த 2017 முதல் இந்திய உயர்நீதிமன்றத்தில் நிலுவையில் உள்ளது.

இந்நிலையில் கால்பந்து அமைப்பை நிர்வகிக்க, தற்காலிக குழுவை நீதிமன்றம் நியமித்தது.

இருப்பினும் இந்தியக் கால்பந்தில் மூன்றாம் நபர் தலையீடு உள்ளது எனக் குற்றம் சுமத்தியிருந்த சர்வதேச கால்பந்து கூட்டமைப்பு, கடந்த 2022ஆம் ஆண்டு இந்தியக் கால்பந்துக்குத் தடை விதித்தது.

இதன் பின்னர், தற்காலிக குழு கலைக்கப்பட்டுத் தேர்தலும் நடத்தப்பட்ட நிலையில் , பிபாவும் தமது தடையை நீக்கியது.

எனினும், திருத்தப்பட்ட நிர்வாக விதிகளை முறைப்படி ஏற்றுக் கொள்ளவில்லை என சுட்டிக்காட்டியுள்ள, சர்வதேச கால்பந்து அமைப்பு, இந்தியக் கால்பந்துக்குத் தடை விதிக்கப்படும் என எச்சரித்துள்ளது.