-கிண்ணியா நிருபர்-
திருகோணமலை மாவட்ட ஒருங்கிணைப்புக் குழு கூட்டம் இன்று வியாழகிழமை மாவட்ட செயலக மாநாட்டு மண்டபத்தில் இடம் பெற்றது.
மாவட்ட அரசாங்க அதிபர் டபிள்யு.ஜீ.எம்.ஹேமந்த குமார அவர்களின் ஒழுங்குபடுத்தலில் திருகோணமலை மாவட்ட பாராளுமன்ற உறுப்பினரும் மாவட்ட ஒருங்கிணைப்பு குழு தலைவரும் பிரதியமைச்சருமான அருண் ஹேமச் சந்திர தலைமையில் இடம் பெற்ற குறித்த கூட்டத்தில்,
கைத்தொழில் மற்றும் தொழில் முயற்சியாண்மை அபிவிருத்தி அமைச்சர் சுனில் ஹந்துன்நெத்தி, கிழக்கு மாகாண ஆளுனர் ஜயந்த லால் ரத்ணசேகர மற்றும் திருகோணமலை மாவட்ட பாராளுமன்ற உறுப்பினர்களான இம்ரான் மஹ்ரூப்,சண்முகம் குகதாசன், ரொசான் அக்மீமன ,உள்ளூராட்சி மன்ற தலைவர்கள்,மாகாண பிரதம செயலாளர்,மாகாண அமைச்சுக்களின் செயலாளர்கள்,பிரதேச செயலாளர்கள் ,திணைக்கள தலைவர்கள்கள்,முப்படையினர் என பலரும் கலந்து கொண்டனர்.
இதில் மாவட்ட மக்களின் பல்வேறுபட்ட பிரச்சினைகள் உட்பட வீதி அபிவிருத்தி உள்ளிட்ட பல்வேறு அபிவிருத்தி தொடர்பிலும் கடந்த கால அபிவிருத்தி தொடர்பிலான மதிப்பீட்டு நடவடிக்கைகள் தொடர்பிலும் விசேடமாக இங்கு கவனம் செலுத்தப்பட்டு கலந்துரையாடப்பட்டன.
அரசாங்கத்தின் பல்வேறு திட்டங்களை திருகோணமலை மாவட்டத்தில் உரிய பகுதிகளில் மேம்படுத்துவது தொடர்பிலும் மேலும் விரிவாக பேசப்பட்டன.
