-கிண்ணியா நிருபர்-
செல்வநாயகபுரம் பொது மருத்துவமனையானது ‘சி’தர ( Type C ) பிரதேச மருத்துவமனையாகும்.
இம்மருத்துவமனை 65,000 மக்களுக்கு சேவையாற்று கின்றது . தாதியர் இன்மையால் இம்மருத்துவமனை முறையாக செயற்படமுடியாமல் உள்ளது.
எனவே, இம்மருத்துவமனைக்கு குறைந்தது 03 தாதியரையாவது நியமிக்க ஆவன செய்ய வேண்டும் என திருகோணமலை மாவட்ட பாராளுமன்ற உறுப்பினர் சண்முகம் குகதாசன் தெரிவித்தார்.
திருகோணமலை மாவட்ட ஒருங்கிணைப்பு குழு கூட்டம் நேற்று வியாழக்கிழமை மாவட்ட செயலக மண்டபத்தில் இடம் பெற்றது.
இதன் போது தனது பிரேரனையில் குறிப்பிடப்பட்டுள்ளது. தொடர்ந்தும் குறித்த பிரேரனையில் தெரிவிக்கப்பட்டிருப்பதாவது,
திரியாய் தொடக்க மருத்துவமனைக்கு மிக நீண்ட காலமாக மருத்துவரும்,சிற்றூழி யர்களும் இல்லாத நிலை காணப்படுகின்றது. இவர்களை நியமித்து இந்த மருத்துவமனை முறையாக செயற்பட ஆவன செய்ய வேண்டும்.
