சீதுவையில் பொம்மைக்குள் மறைத்து போதைப்பொருள் கடத்தியதாக கூறப்படும் கொட்டாஞ்சேனையைச் சேர்ந்த 29 வயது பெண் ஒருவர் இன்று சனிக்கிழமை அதிகாலை கைது செய்யப்பட்டுள்ளார்.
சீதுவை ராஜபக்ஸபுர பகுதியில் காவல்துறைஇ சிறப்பு அதிரடிப்படை மற்றும் முப்படையினரால் நடத்தப்பட்ட சிறப்பு கூட்டு சோதனையின் போது இந்த கைது நடந்ததாக பொலிசார் தெரிவித்தனர்.
பொலிசாரின் கூற்றுப்படி சந்தேகத்திற்கிடமான முறையில் வளாகத்திற்கு வெளியே ஒரு பொம்மையை எடுத்துச் செல்வதை அதிகாரிகள் கவனித்தபோது, சந்தேக நபர் தனது குழந்தையுடன் ஒரு விடுதி அறையில் கண்டுபிடிக்கப்பட்டார்.
சோதனையில், டெடி பியரில் ஐஸ், ஹெராயின், கேரள கஞ்சா மற்றும் டிஜிட்டல் தராசு ஆகியவை இருப்பது கண்டறியப்பட்டது.
மேலும் சோதனைகளில் சந்தேக நபரின் உடலில் மறைத்து வைக்கப்பட்டிருந்த கூடுதல் ஐஸ் பாக்கெட்டுகள் தெரியவந்தது.
விசாரணைகளில், அந்தப் பெண் தனது 8 வயது குழந்தைக்கு வழங்கப்பட்ட பொம்மையில் மறைத்து வைக்கப்பட்ட போதைப்பொருட்களுடன் கொட்டாஞ்சேனையிலிருந்து சீதுவைக்கு பயணம் செய்ததாகக் கூறப்படுகிறது.
அவர் சீதுவை இடத்தைப் பயன்படுத்தி, போதைப்பொருட்களை மீண்டும் பொதி செய்து, கொட்டாஞ்சேனையில் விநியோகித்ததாக நம்பப்படுகிறது.
