முன்னாள் நாடாளுமன்ற உறுப்பினர் அத்துரலியே ரத்தன தேரரை செப்டம்பர் 12 ஆம் திகதி வரை நுகேகொட நீதவான் நீதிமன்றம் இன்று வெள்ளிக்கிழமை விளக்கமறியலில் வைக்க உத்தரவிட்டது.
2020 ஆம் ஆண்டு நமது மக்கள் சக்தி கட்சியின் பொதுச் செயலாளர் வெதினிகம விமலதிஸ்ஸ தேரர் கடத்தப்பட்டதாகக் கூறப்படும் வழக்கில் ரத்தன தேரரை பொலிசார் தேடி வந்தனர்.
வெதினிகம விமலதிஸ்ஸ தேரரை கடத்தியதில் ரத்தன தேரர் தொடர்புடையவர் என்று குற்றம் சாட்டப்பட்டுள்ளது. நாடாளுமன்றத்தில் தேசியப் பட்டியல் இடத்தைப் பெறுவதற்கான ஆவணங்களில் அவர் கட்டாயப்படுத்தி கையெழுத்திட்டதாகக் கூறப்படுகிறது.
கொழும்பு குற்றப்பிரிவு அதிகாரிகள் விகாரை உட்பட பல தியான மையங்கள் மற்றும் வீட்டு வளாகங்களுக்குச் சென்றபோதும் அவரைக் கண்டுபிடிக்க முடியாததால், முன்னாள் நாடாளுமன்ற உறுப்பினர் கைது செய்யப்படுவதைத் தவிர்த்து வருவதாகக் கூறப்பட்டது.
இதையடுத்து இன்று நுகேகொட நீதவான் நீதிமன்றத்தில் ஆஜரான பின்னர் அவர் விளக்கமறியலில் வைக்கப்பட்டார்.
