சுவிட்சர்லாந்தில் இருந்து -ச.சந்திரபிரகாஷ்-
அம்பாறை மாவட்டம் திருக்கோவில் பகுதியில் கடந்த 21ஆம் திகதி செய்வாய்க்கிழமைஇடம்பெற்ற கணவன் மனைவி தற்கொலை சம்பவம் தொடர்பில் சமூக ஊடகங்களில் வெளிவந்த வரிகளை அப்படியே திருடி தமிழ் ஊடகங்கள் செய்தியை வெளியிட்டமை அனைவரும் அறிந்தது.
திருக்கோவில் காயத்திரி கிராமம் 13வது வீதியில் கடந்த 21ஆம் திகதி இடம்பெற்ற இரட்டை தற்கொலை சம்பவங்கள் தொடர்பாக பலராலும் பலதரப்பட்ட புனைக்கதைகள் முன்வைக்கப்பட்டாலும் இந்த விலாசத்தில் உள்ள வீட்டில் சம்பவதினம் இடம்பெற்றது என்ன?
26ஆம் திகதி பெப்ரவரி மாதம் 2021ஆம் ஆண்டு பிறந்த பெண் குழந்தையை வீட்டில் தனியாக விட்டுவிட்டு இளம் பெற்றோர் இருவரும் தூக்கிட்டு தற்கொலை செய்யும் அளவிற்கு தூண்டிய பிற்புல காரணி என்ன? என்பது தொடர்பாக முழுமையாக ஆராயக் கூடிய இருவரும் தற்போது உயிருடன் இல்லாத காரணத்தினால் அக்கம் பக்கத்தினர், உறவினர்கள் நண்பர்கள் என சுமார் 10ற்கும் மேற்பட்டவர்களிடமிருந்து பெறப்பட்ட உரையாடலின் அடிப்படையில் தற்கொலைக்கான காரணம் இதுவாக இருக்கலாம் என்ற சந்தேக முடிவின் அடிப்படையில் இது எழுதப்படுகின்றது.
2000ஆம் ஆண்டு ஆகஸ்ட் மாதம் 8ஆம் திகதி பிறந்த தற்கொலை செய்து கொண்ட கவிந்திரன் நிலூஜா பாடசாலை காலத்தில் இருந்தே தேவதர்சனை காதலித்து வந்துள்ளார். இவர் தனது 18வது வயதை கடந்த நிலையில் வீட்டைவிட்டு வெளியேறி சிலதினங்கள் வெளியில் தங்கியிருந்து மீண்டும் வீட்டிற்கு வந்த நிலையில் பெண் வீட்டார் இவர்களை ஏற்றுக்கொள்ளாத நிலையில் கடந்த 2020ஆம் ஆண்டு தேவதர்சனின் வீட்டாரின் சம்மதத்துடன் பதிவுத்திருமணம் நடத்தி வைக்கப்பட்டுள்ளது.
1995ஆம் ஆண்டு நவம்பர் மாதம் 02ஆம் திகதி பிறந்த மனோகரன் தேவதர்சன் தனது குடும்பத்தை நடத்துவதற்காக மோட்டார் சைக்கிள் , முச்சக்கரவண்டி திருத்தும் நிலையம் ஒன்றை வாடகைக்கு எடுத்து அதில் கிடைக்கும் வருமானத்தில் மனநிறைவோடு குடும்பம் நடத்தி வந்துள்ளார்.
இந்த நிலையில் தனது மகளின் முதலாவது பிறந்த தினத்தையும் இவர்கள் வெகுசிறப்பாக கொண்டாடியதாக நண்பர் ஒரு தெரிவித்தார்.
இதற்கிடையில் சிலவருடங்களுக்கு முன்னர் நிலூஜா தனது பெற்றோருடன் மீண்டும் இணைந்து கொண்டதையடுத்து இவர்கள் குடியிருப்பதற்காக பெற்றோர் காணியொன்றி வழங்கியுள்ள நிலையில் வீடு கட்டுவதற்காக சிறு உதவிகளை இருவீட்டாரும் வழங்கியுள்ளமை தெரியவருகின்றது.
குடும்பசுமை மற்றும் வீட்டைக்கட்டி முடிப்பதற்காக தேவதர்சனிடம் சிறுது காலம் வெளிநாடு ஒன்றக்கு சென்றுவரும்படி அடிக்கடி நிலூஜா தெரிவித்ததையடுத்து மத்தியகிழக்கு நாடு ஒன்றுக்கு செல்வதற்காக மூன்று தடவைகள் கொழும்பிற்கு சென்று வைத்திய பரிசோதனைகள் செய்துள்ள நிலையில் இது பலனளிக்கவில்லை.
இறுதியில் பித்தப்பையில் சிறு சுறுக்கம் இருப்பதாக வைத்திய பரிசோதனையில் தெரிவிக்கப்பட்ட நிலையில் இது தொடர்பாக மட்டக்களப்பு வைத்தியசாலைக்கு சென்று பரிசோதித்த போது அவ்வாறு எதுவும் இல்லை எனத் தெரிவிக்கப்பட்டுள்ளது.
இந்த வெளிநாட்டு பயணத்திற்காக சுமார் 5 தொடக்கம் 6 இலட்சம் வரை பல்வேறு வழிகளில் கடன்பெற்றுள்ளதாகவும் இதில் கடனாகவும் , 10சதவீத வட்டி என்றடிப்படையிலும் ஒருசிலர் பணம் வழங்கியும் உள்ளதாக உறுதிப்படுத்தப்படாத தகவல்கள் தெரிவிக்கின்றன.
இதற்கிடையில் உறவினர் ஒருவருடன் மாதம் 20 ஆயிரம் ரூபாய் சீட்டும் இவர்கள் கட்டி வந்துள்ளனர். இதன் முழுத்தொகை தொடர்பாக எவ்விதமான தகவல்களையும் உறுதியாக பெறமுடியவில்லை.
மேலும் தான் வெளிநாடு செல்லவுள்ள நிலையில் வாடகைக்கு எடுத்து நடத்தி வந்த வாகனம் திருத்தும் இடத்தையும் உரிமையாளரிடம் ஒப்படைத்துள்ளார். இந்த காலப்பகுதியில் தமது பழுதடைந்த மோட்டார் சைக்கிள் மற்றும் முச்சக்கர வண்டிகளை சிலர் தேவதர்சனின் வீட்டிற்கு கொண்டுவந்து திருத்திச் சென்றுள்ளனர்.
நிலூஜா இரண்டு சகோதரத்திற்கு ஒரு பெண்பிள்ளையாகவும் , தேவதர்சன் 3 சகோதரிகள் மற்றும் ஒரு சகோதரனுடன் சேர்த்து கடைக்குட்டியாகவும் செல்லமாகவும் வளர்ந்துள்ள நிலையில் இவரின் குடும்பத்தினர் குடும்பநிலையறிந்து மரணிக்கும் வரை பொருளாதார ரீதியாகவும் ஏனைய வழிகளிலும் தம்மால் முடிந்தளவு உதவிகளை செய்து வந்துள்ளமை தெரியவருகின்றது.
இவர்கள் எங்கு செல்வதாக இருந்தாலும் இருவருமாக இணைந்தே வெளியில் சென்று வந்துள்ளனர் தனியாக இவர்கள் வெளியில் செல்வது அரிது என அயலவர்கள் தெரிவித்தனர். நிலூஜா அடம்பிடித்தாலும் தேவதர்சன் பலவிட்டுக் கொடுப்புகளுடன் அனுசரித்து குடும்பம் நடத்தி வந்துள்ளார். இது ஒருபுறம் இருக்க தேவதர்சனின் குடும்பத்தினர் நிலூஜாவை பாசமாக கவனித்து வந்துள்ளமையும் அயலவர்களின் வாக்குமூலத்தின் மூலம் அறியமுடிகின்றது.
கடந்த 17ஆம் திகதி இரவு 10.30 மணியளவில் தேவதர்சன் குடும்பத்தினர் தனது உறவினர் ஒருவரின் 31வது நாள் மரணக்கிரிகைகளில் கலந்து கொண்டு வீடு திரும்பியதில் இருந்து இவருடைய கையடக்க தொலைபேசி செயல் இழந்துள்ளது.
இதையடுத்து இவருடைய தாயார் கடந்த 20ஆம் திகதி திங்கட்கிழமை நேரடியாக தொடர்பு கொண்டு கேட்ட போது தொலைபேசி பழுதடைந்துள்ளதாகவும், இதை திருத்துவதற்கு எட்டாயிரம் ரூபா செலவாகும் எனவும் தெரிவித்ததையடுத்து தாயார் தன்னிடம் இருந்த ஏழாயிரம் ரூபாயை கொடுத்து உதவியுள்ளார்.
இந்தநிலையில் திங்கட்கிழமை இரவு 10.30 மணியளவில் இவர்கள் இருவருக்கும் இடையில் திடீரென கடுமையான வாய்த்தர்க்கம் இடம்பெற்றதாகவும் , இது சில நிமிடங்கள் வரை நீடித்ததாகவும் அயலவர்கள் தெரிவித்துள்ள நிலையில் , இவர்களின் சண்டையை அடுத்து தேவதர்சன் அன்று இரவே வீட்டை விட்டு வெளியேறி இருக்க வேண்டும் என்ற சந்தேகம் பலர் மத்தியிலும் இருந்து வருகின்றது.
குடும்ப சண்டையில் மனஅழுத்தத்தில் தனது மகளுடன் தனிமையில் இருந்த நிலூஜா இந்த சந்தர்ப்பத்தை பயன்படுத்தி படுக்கையறையில் தனது சாறியில் தூக்கிட்டு தற்கொலை செய்து கொண்டிருக்கலாம் என்ற சந்தேகம் இதுவரை கிடைத்த தகவலின் அடிப்படையில் தெரியவருகின்றது.
மேலும் நிலூஜாவின் வீட்டில் இரு நாய்கள் இருப்பதால் உறவினர்களை தவிர அயலவர்கள் எவரும் திடீரென இவர்களின் வீட்டிற்கு சென்றுவருவதில்லை எனவும் , சிலரின் தகவல்கள் தெரிவிக்கின்றன. இந்த நிலையில் சம்பவம் நடந்த காலை 10 மணியளவில் தேவதர்சன் மீன்வாங்கி கொண்டு வீட்டிற்கு வந்த போது முன்வாசல் கதவு உள்பக்கத்தால் பூட்டியிருந்த நிலையில் இவர் மதிலால் பாய்ந்து உள்ளே சென்றதாகவும் அயலவர்கள் தெரிவித்தனர். ஆனால் இத்தகவலை உறுதிப்படுத்த முடியவில்லை.
வீட்டின் முன்கதவு பூட்டியிருந்த நிலையில் தேவதர்சன் பின்கதவு வழியாக உள்ளே சென்று பார்த்த போது நிலூஜா தூக்கில் தொங்கிய அதிர்ச்சியில் என்ன செய்வது என்று தெரியாமல் தனது குழந்தையைப் பற்றியும் ஒருகனம் சிந்திக்காது தன்னால்தானே தனது மனைவி தூக்கிட்டுள்ளார் என்ற மனஅழுத்தத்தினால் சமையல் அறையில் மின்சார வயரில் தானும் தூக்கிட்டு தற்கொலை செய்து இருக்க வேண்டும் என்ற சந்தேகப் பார்வை மட்டுமே இதுவரை உள்ளது.
நிலூஜாவின் தம்பி நண்பகல் அளவில் அக்காவின் வீட்டிற்கு சென்று பார்த்த போதுதான் இருவரும் தூக்கிட்டு தற்கொலை செய்து கொண்டுள்ள விடயம் வெளியே தெரியவந்துள்ளது.
இவர்களுடைய மரணத்திற்கு பெரியளவிலான கடன் சுமை காரணமாக இருக்காது எனவும் , இவர்களுக்கு கடன் இருப்பதாக இருந்தாலும் சுமார் 10 தொடக்கம் 12 இலட்சம் வரைதான் இத்தொகை இருந்து இருக்கலாம் எனவும் உறவினர்கள் தெரிவிக்கின்றனர்.
இவர்கள் தொடர்பான குடும்பத்தினர் , அயலவர்கள் மற்றும் உறவினர்களின் கருத்துக்களின் அடிப்படையில் ஆராய்ந்தால் 24 மணித்தியாளத்திற்குள் ஏற்பட்ட வாய்த்தர்க்கம் , இதனால் ஏற்பட்ட மனஅழுத்தம், குடும்ப பிரச்சனைகளை இலகுவாக கையாளும் பக்குவம் போதாமை போன்ற திடீர் காரணங்களே இவர்களுடைய தற்கொலைக்கு காரணிகளாக அமைந்துள்ள காரணமாக இதுவரை கிடைத்துள்ள தகவலின் அடிப்படையில் அறியமுடிகின்றது.
இருவரும் இதுவரை தமது குடும்பத்திற்குள் இடம்பெறும் எந்தவொரு விடயங்களையும் வெளியில் எவரிடமும் பெரியளவில் தெரிவிக்கவில்லை என்பது பலருடைய கருத்தாகவுள்ள நிலையில் , இச்சம்பவத்துடன் தொடர்புடைய இருவரும் மரணமடைந்துள்ள நிலையில் இதில் தெரிவிக்கப்பட்டுள்ள விடயங்கள் வெறும் கருத்துக்கள் மற்றும் சந்தேகத்தின் அடிப்படையில் சில உறுதிப்பாட்டுடன் வெளியிடப்பட்டுள்ளது.
ஒரு சம்பவம் , மரணம் , தற்கொலை , கொலை இடம்பெற்றால் இதன் பின்னணி குறித்து ஆராயாமல் பதிவுகளை நான் முந்தி நீ முந்தி என பதிவிடும் ஊடகங்களில் இருந்து தனித்துவமான ஒரு தேடலாக உள்ள நிலையில் இதில் வெளியிடப்பட்டுள்ள தரவுகள் பிழையாக இருப்பின் சம்பந்தப்பட்டவர்கள் எமது செய்தி நிறுவனத்துடன் தொடர்புகொள்ளும் பட்சத்தில் மாற்றங்கள் செய்யப்படும்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
