Sri Lanka Tamil News Site

போதைப்பொருள் விவகாரம் : இரு இளைஞர்களை கொன்று கோழிக்கூட்டின் அடியில் புதைத்த சம்பவம்

- Advertisement -

போதைப்பொருள் விநியோகம் தொடர்பில் பணம் செலுத்தத் தவறியமைக்காக மாவனெல்லையைச் சேர்ந்த இரு இளைஞர்கள், ரம்புக்கனை, ஹுரிமலுவ பிரதேசத்தில் உள்ள வீடொன்றின் பின்புறம் கொல்லப்பட்டு புதைக்கப்பட்டுள்ளனர் என பொலிஸ் விசாரணைகளில் இருந்து தெரியவந்துள்ளது.

28 மற்றும் 29 வயதுடைய இருவரும் மாவனெல்லை கிரிங்கதெனிய மற்றும் கெரமினிய பிரதேசங்களில் வசிப்பவர்கள் என்றும், அவர்கள் 2022 நவம்பர் 18 மற்றும் 25 ஆம் திகதிகளில் இருந்து காணாமல் போயுள்ளதாக தெரிவிக்கப்பட்டுள்ளது.

காணாமல் போனவர்கள் தொடர்பில் பெற்றோர்கள் 2022 டிசம்பர் 7 ஆம் திகதி பொலிஸில் முறைப்பாடு செய்திருந்தனர்,  இதன் போது அவர்கள் தங்கள் பிள்ளைகள் போதைப்பொருள் கடத்தலில் ஈடுபடுவதாக பொலிஸாருக்கு தகவல் கொடுத்தனர்.

ரம்புக்கனை, ஹுரிமலுவ பிரதேசத்தில் வசிக்கும் ஒருவரிடம் இருந்து தமது பிள்ளைகள் போதைப்பொருள் கொள்வனவு செய்வதை அறிந்துள்ளதாகவும் பெற்றோர்கள் பொலிஸாரிடம் தெரிவித்திருந்தனர்.

- Advertisement -

மாவனல்லை பொலிஸாரும் கேகாலை பிரதேச குற்றப் புலனாய்வுப் பிரிவினரும் இணைந்து விசாரணைகளை மேற்கொண்டு குறித்த வீட்டைக் கண்டுபிடித்து, அதன் பின்னர் கடந்த புதன்கிழமை கேகாலை நீதவான் நீதிமன்றில் உண்மைகளை அறிவித்தனர்.

கேகாலை நீதவான் வாசனா நவரத்ன நேற்று வியாழக்கிழமை மேற்படி வீட்டுக்குச் சென்றதைத் தொடர்ந்து ஆரம்பகட்ட விசாரணைகள் ஆரம்பிக்கப்பட்டன.

இரண்டு இளைஞர்களும் கொலை செய்யப்பட்டு ரம்புக்கனையில் வீட்டின் பின்புறம் இருந்த கோழிக் கூடுக்கு அடியில் புதைக்கப்பட்டுள்ளதாக விசாரணைகளில் தெரியவந்துள்ளது.

பொலிஸார் இருவரின் உடல்களையும் தோண்டி எடுத்து விசாரணைக்காக நீதித்துறை மருத்துவ அதிகாரிக்கு (துஆழு) அனுப்பி வைத்துள்ளதாக தெரிவிக்கப்படுகின்றது.

- Advertisement -