கொரிய பிரஜை ஒருவருக்கு 150,000 அமெரிக்க டொலர்களை மோசடி செய்த வர்த்தகர் ஒருவர் கடந்த புதன்கிழமை குற்றப் புலனாய்வு திணைக்களத்தினால் (CID) கைது செய்யப்பட்டுள்ளார்.
குறித்த தொழிலதிபர் கொரிய நாட்டவரைப் பயன்படுத்தி ஒரு இரசாயன திரவத்தை இறக்குமதி செய்தார், இது குறைந்த அளவு நச்சுப் புகைகளை வெளியிடுவதன் மூலம் வாகன இயந்திரங்களின் செயல்திறனை அதிகரிக்கும் என்று கூறப்படுகிறது.
54 கோடி மோசடி தொடர்பில் கொரியப் பிரஜையினால் குற்றப் புலனாய்வுப் பிரிவினரிடம் மேற்கொள்ளப்பட்ட முறைப்பாட்டையடுத்து குறித்த வர்த்தகர் கைது செய்யப்பட்டுள்ளார்.
குறித்த வர்த்தகர் கொரிய பிரஜையுடன் நட்பாக பழகி, குறித்த இரசாயனத்தை இலங்கைக்கு இறக்குமதி செய்வதற்கு அவரைப் பயன்படுத்தியதாகவும், ஆனால் அவருக்கு பணம் செலுத்தத் தவறியதாகவும் குற்றப் புலனாய்வுப் பிரிவினர் குறிப்பிட்டுள்ளனர்.
குறித்த வர்த்தகர் கேகாலை கலிகமுவ பிரதேசத்தில் வசிக்கும் 49 வயதுடையவர் என அடையாளம் காணப்பட்டுள்ளார்.
சந்தேக நபரை நீதிமன்றத்தில் ஆஜர்படுத்துவதற்கான நடவடிக்கைகளை குற்றப் புலனாய்வுப் பிரிவினர் மேற்கொண்டு வருகின்றனர்.
