பெலவத்த பகுதியில் வீடொன்றின் குளியல் தொட்டியில் இருந்து சடலமாக மீட்கப்பட்ட வர்த்தகர் உயிரிழந்த விதம் தொடர்பில் இதுவரை பல முக்கிய தகவல்கள் வெளியாகியுள்ளன.
27 வயதுடைய பிரதான சந்தேகநபர் மற்றும் அவரது 23 வயதுடைய மனைவி ஆகியோர் நேற்று ஞாயிற்றுக்கிழமை கைதுசெய்யப்பட்டதுடன் விசாரணைகளின் போது அவர் கொலையை செய்துள்ளதாக தெரியவந்துள்ளது.
சமூக ஊடக நண்பர்களின் வலையமைப்பின் ஊடாக குறித்த வர்த்தகருடன் பழக்கம் ஏற்பட்டதாகவும், கடந்த 30ஆம் திகதி முதல் தடவையாக அந்த வர்த்தகரை சந்தித்ததாகவும் சந்தேக நபர் பொலிஸாரிடம் தெரிவித்துள்ளார்.
முதலில் வேறொரு இடத்தில் வர்த்தகரை சந்திக்க ஆலோசித்துள்ளனர், ஆனால் பின்னர் பெலவத்தை பகுதியில் உள்ள வீட்டிற்கு வர முடிவு செய்தனர்.
அதன் பிரகாரம் வர்த்தகரின் காரில் அந்த வீட்டுக்குச் சென்ற அவர், அங்கு சந்தேக நபர் ஒரு இலட்சம் ரூபா பணத்தை அவரிடம் கோரியுள்ளதாக பொலிஸாரின் விசாரணையில் தெரியவந்துள்ளது.
தற்போது தன்னிடம் அதிக பணம் இல்லை என வர்த்தகர் தெரிவித்துள்ளார்.
மேலும் பணப்பட்டுவாடா காரணமாக சர்ச்சைக்குரிய சூழல் ஏற்பட்டுள்ளதாகவும் பொலிஸ் விசாரணையில் தெரியவந்துள்ளது.
எவ்வாறாயினும், அங்கு ஏற்பட்ட வாக்குவாதத்தையடுத்து சந்தேக நபர் வர்த்தகரை தடியினால் தாக்கியதாக பொலிஸார் தெரிவித்தனர்.
வர்த்தகர் இறந்த பிறகு, சந்தேக நபர் வர்த்தகரது வங்கி அட்டைகள் மற்றும் பணப்பையை எடுத்துக்கொண்டு அவரது காரில் வீட்டை விட்டு வெளியேறினார்.
உயிரிழந்த வர்த்தகரின் வங்கி அட்டையை பயன்படுத்தி இந்தோனேஷியா செல்வதற்காக இரண்டு விமான டிக்கெட்டுகளை வாங்கி விட்டு விமான நிலையம் சென்று ஒரே நேரத்தில் விசா கிடைக்காததால் திரும்பினார்.
பத்தரமுல்லை, பெலவத்த பிரதேசத்தில் நிர்மாணிக்கப்பட்டு வரும் வீடொன்றின் நீச்சல் தடாகத்தில் இருந்து கடந்த 02 ஆம் திகதி, 49 வயதான வர்த்தகர் ஒருவரின் சடலம் கண்டெடுக்கப்பட்டது.
கைது செய்யப்பட்ட சந்தேக நபரும் அவரது மனைவியும் இன்று திங்கட்கிழமை அளுத்கடை நீதவான் நீதிமன்றில் முன்னிலைப்படுத்தப்படவுள்ளனர்.
