அனைத்து தொழிற்சாலை உற்பத்திகளின் விலைகளும் 20 வீதத்தினால் அதிகரிக்கப்படவுள்ளதாக அகில இலங்கை சிறு கைத்தொழில் சங்கம் அறிவித்துள்ளது.
மின் கட்டணம் அதிகரிக்கப்பட்டுள்ளமையினால் இவ்வாறு விலை அதிகரிக்கப்படுவதாக அகில இலங்கை சிறு கைத்தொழில் சங்கம் வெளியிட்டுள்ள அறிக்கையில்தெரிவிக்கப்பட்டுள்ளது.
அத்துடன் மின் கட்டண அதிகரிப்பினால் சோறு பொதி, ப்ரைட் ரைஸ் மற்றும் கொத்து ஆகியவற்றின் விலை 10 வீதம் அதிகரிக்கப்படவுள்ளதாக அகில இலங்கை சிற்றுண்டிச்சாலை உரிமையாளர்கள் சங்கத்தின் தலைவர் அசேல சம்பத் தெரிவித்துள்ளார்.
எனினும், அப்பம் உள்ளிட்ட ஏனைய கோதுமை உணவு பொருட்களின் விலை அதிகரிக்கப்படாது என அவர் மேலும் தெரிவித்துள்ளார்.
