-நுவரெலியா நிருபர்-
பாடசாலை மாணவர்கள் மற்றும் இளைஞர்களைக் குறிவைத்து சட்டவிரோத கஞ்சா கலந்த மதனமோதகம் மாத்திரைகளை விற்பனை செய்து வந்த சந்தேக நபர் ஒருவர், ஹட்டன் பிரதேச ஊழல் ஒழிப்புப் பிரிவு அதிகாரிகளால் சந்தேகத்தின் பேரில் கைது செய்யப்பட்டு, நீதிமன்றத்தில் ஆஜர்படுத்துவதற்காக மாஸ்கெலியா பொலிஸாரிடம் ஒப்படைக்கப்பட்டுள்ளனர்.
ஹட்டன் பிரதேச பொறுப்பு சிரேஷ்ட பொலிஸ் கண்காணிப்பாளர் பிரதீப் வீரசேகரவுக்குக் கிடைத்த தகவலின் அடிப்படையில், சந்தேக நபர் மாஸ்கெலியா நகரில் ஒரு ஆயுர்வேத மூலிகை மருந்துக் கடையை நடத்தி வருவதாகவும், கடைக்கு வரும் பாடசாலை மாணவர்கள் மற்றும் இளைஞர்களுக்கு 250 ரூபாய் என்ற விலைக்கு சட்டவிரோத கஞ்சா கலந்த மதனமோதகம் மாத்திரைகளை விற்பனை செய்து வருவதாகவும் விசாரணையில் தெரிய வந்துள்ளது.
இதைத் தொடர்ந்து, ஹட்டன் பிரதேச பொறுப்பு உதவி பொலிஸ் கண்காணிப்பாளர் நிஸ்ஸங்க கொடமுன்னவின் மேற்பார்வையில் கடை சோதனையிடப்பட்டு சந்தேக நபர் கைது செய்யப்பட்டுள்ளார்.
சந்தேக நபர் கைது செய்யப்பட்டபோது, அவர் விற்பனை செய்வதற்காக கடையில் மறைத்து வைத்திருந்த 648 சட்டவிரோத கஞ்சா கலந்த மதனமோதக பொட்டலங்கள் கண்டுபிடிக்கப்பட்டுள்ளன.
இவ்வாறு கைப்பற்றப்பட்ட மாத்திரைகளின் மதிப்பு 1,62,000 ரூபாய் எனத் தெரிவித்தனர்.
சோதனையை நடத்திய ஹட்டன் பிரதேச ஊழல் தடுப்புப் பிரிவு அதிகாரிகள் கூறுகையில், சந்தேக நபர் மாஸ்கெலியா பகுதியில் வசிக்கும் 20 வயதுடைய இளைஞன் எனவும் தெரிவித்தனர் .
