சுவிட்சர்லாந்தில் கடந்த ஆண்டு 35 பேர் போதைப்பொருளுடன் விமான நிலையத்தில் கைது

எல்லைப் பாதுகாப்பு பெடரல் அலுவலகத்தினருடன் இணைந்து, சூரிச் மாநில பொலிசார் கடந்த 2023 ஆம் ஆண்டு கணிசமான அளவு போதைப் பொருட்களுடன் சூரிச் விமான நிலையத்தில் பலரைக் கைது செய்துள்ளனர்.

2023 ஆம் ஆண்டு சூரிச் விமான நிலையத்தில் பயணிகளிடம் சோதனை நடத்தியபோது, சூரிச் மாநில பொலிசார் சுமார் 64 கிலோ கோகோயின், 10 கிலோ ஹெராயின், 566 கிலோ காட், 64 கிலோ மரிஜுவானா மற்றும் 20 கிலோ ஹாஷிஷ் ஆகியவற்றைக் கைப்பற்றினர்.

போதைப் பொருட்களை விமானத்தில் கொண்டுவந்த 18 முதல் 63 வயதுக்குட்பட்ட 10 பெண்களும் 25 ஆண்களும் கைது செய்யப்பட்டுள்ளனர். இவர்கள் பிரேசில், இங்கிலாந்து, ஹாலந்து, ஸ்பெயின், லாட்வியா, சுவீடன், தான்சானியா, நோர்வே, இஸ்ரேல், எஸ்டோனியா, இத்தாலி, கினியா-பிசாவ், போத்துக்கல், அமெரிக்கா மற்றும் டொமினிகன் குடியரசு ஆகிய நாடுகளில் இருந்து வந்தவர்கள் என தெரிவிக்கப்படுகின்றது.

போதைப்பொருட்கள் பல்வேறு வடிவங்களில் பொதி செய்யப்பட்டு கொண்டு வரப்பட்டுள்ளமை குறிப்பிடத்தக்கது.