பிரபுதேவா மற்றும் ரெஜினா நடித்துள்ள ‘ப்ளாஷ்பேக்’ படத்தின் ட்ரெய்லர் வெளியாகி ரசிகர்களின் கவனத்தை ஈர்த்துள்ளது.
பிரபுதேவா, ரெஜினா கசாண்ட்ரா நடித்துள்ள படம் ‘ஃப்ளாஷ் பேக்’ இத்திரைப்படத்தை ‘மகாபலிபுரம்’, ‘கொரில்லா’ படங்களை இயக்கிய இயக்குநர் டான் சாண்டி இயக்கியுள்ளார். . அனசுயா பரத்வாஜ், விஜய் விஷ்வா உள்ளிட்ட பலர் இதில் நடித்துள்ள நிலையில் இப்படத்திற்கு சாம்.சி.எஸ் இசையமைத்துள்ளார். அபிஷேக் பிலிம்ஸ் நிறுவனம் தயாரிக்கும் இப்படத்தின் ட்ரெய்லர் தற்போது வெளியாகியுள்ளது.
இதில் பிரபுதேவா எழுத்தாளராகவும் ரெஜினா ஆசிரியை வேடத்திலும் நடித்துள்ளனர். மேலும் பிரபல தெலுங்கு நடிகை அனுசுயா முக்கிய வேடத்தில் நடித்துள்ளார். இப்படம் குறித்து இயக்குனர் ஏற்கனவே கூறிய போல இது காமத்தை பற்றி எடுத்து கூறும் படமாக இருக்கும் ஆனால், அது ஆபாசமாக இருக்காது என தெரிவித்திருந்தார்.
இந்த படமானது, இத்தாலியில் கடந்த 2000ம் ஆண்டு வெளியான ‘மெலினா’ படத்தின் சாயலை நினைவூட்டுவதாகவும் ரசிகர்கள் பலர் சமூக வலைதளத்தில் தெரிவித்து வருகின்றனர்.
மேலும் பல செய்திகளை அறிந்து கொள்ள மின்னல்24 இணையத்தளத்தை பார்வையிடவும்
