2024ஆம் நிதியாண்டுக்கான ஒதுக்கீட்டுச் சட்டமூலத்தின் மூன்றாம் வாசிப்பு இன்று புதன்கிழமை 41 மேலதிக வாக்குகளால் பாராளுமன்றத்தில் நிறைவேற்றப்பட்டது.
அதன்படி 2024ஆம் ஆண்டுக்கான வரவு செலவுத் திட்டத்திற்கு ஆதரவாக 122 நாடாளுமன்ற உறுப்பினர்களும், எதிராக 81 நாடாளுமன்ற உறுப்பினர்களும் வாக்களிப்பில் இருந்து 01 நாடாளுமன்ற உறுப்பினர்களும் வாக்களிக்கவில்லை.
முன்னதாக நவம்பரில், 2024 நிதியாண்டுக்கான ஒதுக்கீட்டுச் சட்டமூலத்தின் இரண்டாம் வாசிப்பு 45 மேலதிக வாக்குகளால் பாராளுமன்றத்தில் நிறைவேற்றப்பட்டது.
மொத்தம் 122 பேர் “பட்ஜெட் 2024”க்கு ஆதரவாகவும், 77 நாடாளுமன்ற உறுப்பினர்கள் எதிராகவும் வாக்களித்தனர், 25 நாடாளுமன்ற உறுப்பினர்கள் வாக்கெடுப்பில் கலந்து கொள்ளவில்லை.
2024ஆம் நிதியாண்டுக்கான ஒதுக்கீட்டுச் சட்டமூலம், நிதியமைச்சர் என்ற வகையில் ஜனாதிபதி ரணில் விக்கிரமசிங்கவினால் நவம்பர் 13ஆம் திகதி பாராளுமன்றத்தில் சமர்ப்பிக்கப்பட்டது.
2024 ஆம் ஆண்டில் 2.85 டிரில்லியன் இலங்கை ரூபாய் நிதிப் பற்றாக்குறை இலக்கை அரசாங்கம் நிர்ணயித்துள்ளது, அல்லது மொத்த உள்நாட்டு உற்பத்தியில் 9.1சதவீதம், இது தற்போதைய ஆண்டு மொத்த உள்நாட்டு உற்பத்தியில் திருத்தப்பட்ட 8.5 சதவீதத்தை விட அதிகமாகும்.
இந்நிலையில் 2024 ஆம் ஆண்டுக்கான வரவு செலவுத்திட்டத்தில் அமைச்சுக்களுக்கான நிதி ஒதுக்கீடுகள் மீதான குழு நிலை விவாதம் கடந்த 22 ஆம் திகதி புதன்கிழமை ஆரம்பமாகிஇ இன்று 13ஆம் திகதி மாலை 6.35 மணியளவில் முடிவுக்கு வந்தது.
