அதர்வா நடிக்கும் திரைப்படத்திற்கு பட்டத்து அரசன் என தலைப்பு வைத்துள்ளனர்.
களவாணி, வாகை சூடவா உள்ளிட்ட படங்களை இயக்கிய சற்குணம் தற்போது அதர்வா நடிப்பில் புதிய திரைப்படத்தை இயக்கியுள்ளார். அந்த திரைப்படத்திற்கான படப்பிடிப்பு பணிகள் முடிவடைந்துவிட்டன. இதில் அதர்வாவுடன் ராஜ்கிரன், ராதிகா ஆகியோர் முக்கிய கதாபாத்திரங்களில் நடித்துள்ளனர்.
இயக்குனரின் முந்தைய திரைப்படங்கள் போல இந்த படமும் கிராமத்து பின்னணியில் எடுக்கப்பட்டு இருக்கிறது. மேலும் உறவுகளின் முக்கியத்துவத்தை கூறும் வகையிலும் காட்சிகள் இடம் பெறும் என படக் குழுவினர் தெரிவிக்கின்றனர். இந்த படத்தின் தலைப்பு பட்டத்து அரசன் என தகவல் வெளியானாலும் அதை பட குழுவினர் உறுதிப்படுத்தாமல் இருந்தனர்.
