திருச்சி சிறப்பு முகாமில் இலங்கை தமிழர்கள் உண்ணாவிரத போராட்டம் : 7 பேரின் நிலை கவலைக்கிடம்

தமிழ்நாடு-திருச்சி சிறப்பு முகாமில் உள்ள இலங்கை தமிழர்கள் பத்துப் பேரில் ஏழுபேர் கவலைக்கிடமான நிலையில், திருச்சி அரசினர் மருத்துவமனை அவசர சிகிச்சை பிரிவில் அனுமதிக்கப்பட்டுள்ளனர்.

கடந்த 20ஆந் முதல் திருச்சி சிறப்பு முகாமில் தம்மை தமது குடும்பங்களுடன் சேர்த்து வைக்குமாறு கோரி, உண்ணாவிரத போராட்டத்தை பத்து இலங்கை தமிழர்கள் ஆரம்பித்திருந்தனர்.

அவர்களில் ஏழு பேரது உடல் நிலை மோசமடைந்த நிலையில், அவர்கள் ஏழு பேரும் திருச்சி அரசு மருத்துவ மனையில் அவசர சிகிச்சை பிரிவில் அனுமதிக்கப்பட்டுள்ளதாக தெரிவிக்கப்படுகின்றது.