ராமேஸ்வரம் வடகாடு பகுதியில் இளைஞர்கள் 6 பேர் மீனவப் பெண் ஒருவரை கூட்டு பாலியல் வன்கொடுமை செய்து, கொலை செய்து தீ வைத்து எரித்துள்ள சம்பவம் அப்பகுதியில் பெரும் அதிர்ச்சியை ஏற்படுத்தியுள்ளதாக, இந்திய செய்திகள் தெரிவிக்கின்றன.
சம்பவம் தொடர்பில் தெரியவருகையில்,
ராமேஸ்வரம் வடகாடு இறால் பண்ணையில் பணியாற்றிய வடமாநில இளைஞர்கள் 6 பேர் மீனவப் பெண்ணை கூட்டு பாலியல் வன்கொடுமை செய்து கொலை செய்து தீ வைத்து எரித்துள்ளனர்.
இதைக் கண்டு அதிர்ச்சி அடைந்த கிராம மக்கள் ஒன்று திரண்டு இறால் பண்ணையை தீ வைத்து எரித்துள்ளனர்.
இதனால் அங்கு பெரும் பதற்றமான சூழ்நிலை நிலவுவதால் பொலிஸார் குவிக்கப்பட்டுள்ளனர்.
ராமநாதபுரம் மாவட்டம், ராமேசுவரம் வடகாடு பகுதியை சேர்ந்த பாலு, இவரது மனைவி சந்திரா(வயது 40) கடல் பாசி எடுக்கும் தொழில் செய்து வருகிறார்.
இதே பகுதியில் தனியாருக்கு சொந்தமான இறால் பண்ணை உள்ளது. இந்த பண்ணையில் ஒரிசா மாநிலத்தை சேர்ந்த 6 இளைஞர்கள் பணியாற்றி வருகின்றனர்.
இந்த நிலையில், செவ்வாய்கிழமை காலையில் சந்திரா கடல் பாசி எடுக்க சென்றுள்ளர், இரவு வரை வீடு திரும்பவில்லை.
இதனைத் தொடர்ந்து குடும்பத்தினர் மற்றும் கிராம பொதுமக்கள் தேடிச்சென்றுள்ளனர். அங்கு இறால் பண்ணையில் நிர்வாண நிலையில் எரிந்த நிலையில் உடல் காணப்பட்டது.
இதனை அறிந்த கிராம மக்கள் அதிர்ச்சியடைந்தனர். இறால் பண்ணையில் இருந்தவர்கள் மீனவ பெண்ணை கூட்டு பாலியலுக்கு உட்படுத்தி இறந்தவுடன் எரித்து கொலை செய்துள்ளது தெரியவந்தது.
இதையடுத்து, கிராம மக்கள் திரண்டு இறால் பண்ணைக்கு தீ வைத்துள்ளனர். அங்கு வந்த பொலிஸார் கூட்டு பாலியலுக்கு உட்படுத்திய 6 பேரை கைது செய்துள்ளனர்.
மேலும், கிராம மக்கள் திரண்டுள்ளதால் பதற்றம் ஏற்பட்டுள்ளது. இதனால் இறால் பண்ணையை விட்டு ஒரிசா மாநில இளைஞர்களை பொலிஸார் வெளியே கொண்டு வர முடியாத நிலை காணப்படுவதால், ராமநாதபுரத்தில் இருந்து பொலிஸார் விரைந்துள்ளனர்.
இந்நிலையில் அப்பகுதியில் பெரும் பதற்றம் ஏற்பட்டுள்ளது.
