அமெரிக்க பல்கலைக்கழகங்களை கீழே தள்ளி முதல் இடங்களை பிடித்துள்ள சீன பல்கலைக்கழகங்கள்

உலகளவில் பல்கலைக்கழகங்களின் தவரிசையில் சீனா ஆதிக்கம் செலுத்துகிறது.

மேலும்,சர்வதேச அளவில் புகழ்பெற்ற ஹார்வர்ட் பல்கலைக்கழகம் கல்வித் தரவரிசையில் பின்னடைவைச் சந்தித்துள்ளது.

CWTS லைடன் தரவரிசையின் 2025 ஆம் ஆண்டுக்கான பட்டியலில் இலங்கையின் எந்தவொரு பல்கலைக்கழகமும் இடம்பெறவில்லை.

இந்த தரவரிசைப் பட்டியல் நெதர்லாந்தின் லைடன் பல்கலைக்கழகத்தில் உள்ள அறிவியல் மற்றும் தொழில்நுட்ப ஆய்வுகளுக்கான மையத்தால் உருவாக்கப்படுகிறது.

உலகெங்கிலும் உள்ள 1,500 க்கும் மேற்பட்ட முக்கிய பல்கலைக்கழகங்களின் அறிவியல் செயல்பாடுகளை இது மதிப்பீடு செய்கிறது.

இது ‘Web of Science’ தரவுத்தளத்தின் அடிப்படையில் தரவுகளை வெளியிடுகிறது.

இந்தத் தரவரிசை மாற்றம், உலகளாவிய கல்வி மற்றும் ஆராய்ச்சித் துறையில் ஆசியாவின் (குறிப்பாக சீனாவின்) அசுர வளர்ச்சியைப் பறைசாற்றுவதாக அமைந்துள்ளதாகக் கருதப்படுகிறது.

அறிவியல் துறையில் முதலிடத்தில் இருந்துவந்த அமெரிக்காவின் ஹார்வர்ட் பல்கலைக்கழகம், தற்போது மூன்றாவது இடத்திற்குத் தள்ளப்பட்டுள்ளது.

2006-2009 காலப்பகுதியில் முதலிடத்தில் இருந்த ஹார்வர்ட், கடந்த ஒரு தசாப்தத்திற்கும் மேலாக (2018-2021 வரை) தரவரிசையில் ஆதிக்கம் செலுத்தி வந்தது.

ஆனால், 2019-2022 தரவரிசையில் முதன்முதலாக சீனப் பல்கலைக்கழகத்தால் இது முறியடிக்கப்பட்டது.

தற்போது வெளியாகியுள்ள தரவரிசையில் முதல் இரண்டு இடங்களை சீனப் பல்கலைக்கழகங்கள் கைப்பற்றியுள்ளன:

செஜியாங் பல்கலைக்கழகம் (Zhejiang University) – முதலிடம்

ஷாங்காய் ஜியாவோ டோங் பல்கலைக்கழகம் (Shanghai Jiao Tong University) – இரண்டாம் இடம்

குறிப்பிடத்தக்க விடயம் என்னவென்றால், ஹார்வர்ட் பிடித்திருக்கும் மூன்றாம் இடத்தைத் தவிர, முதல் 9 இடங்களையும் சீனப் பல்கலைக்கழகங்களே ஆக்கிரமித்துள்ளன.

முன்னதாக 2006-2009 காலப்பகுதியில், முதல் பத்து இடங்களில் அமெரிக்கப் பல்கலைக்கழகங்களே ஆதிக்கம் செலுத்தின.

ஆனால் தற்போது, அந்தப் பட்டியலில் இருந்த முக்கிய 6 பல்கலைக்கழகங்கள் (மிச்சிகன், ஸ்டான்போர்ட், ஜோன்ஸ் ஹோப்கின்ஸ் போன்றவை) முதல் 15 இடங்களுக்குள் கூட இல்லை