-மூதூர் நிருபர்-
சீரற்ற காலநிலை காரணமாக மூதூர் பிரதேச செயலக பிரிவும் பாதிக்கப்பட்டுள்ளது.
அந்த வகையில் மூதூர் பிரதேச செயலகப் பிரிவிலுள்ள இரால்குழி,ஷாபிநகர் கிராம உத்தியோகத்தர்கள் பிரிவைச் சேர்ந்த சில குடும்பங்கள் இடம்பெயர்ந்து இரண்டு இடைத்தங்கள் முகாம்களில் தங்க வைக்கப்பட்டுள்ளனர் .
மூதூர் -அந்நகார் மகளீர் கல்லூரியில் இரால்குழி கிராம உத்தியோகத்தர் பிரிவை சேர்ந்த 47 குடும்பங்களைச் சேர்ந்த 116 பேரும், மூதூர் அல்ஹிதாயா மகா வித்தியாலயத்தில் ஷாபிநகர் கிராம உத்தியோகத்தர் பிரிவின் -வேதத்தீவு கிராமத்தைச் சேர்ந்த 6 குடும்பங்களைச் சேர்ந்த 26 பேரும் தங்க வைக்கப்பட்டுள்ளனர்.
மூதூரில் உள்ள பல வீடுகள் நீரிழ் மூழ்கிக் காணப்படுகின்றன.
மூதூர் சிங்கள மகா வித்தியாலய வளாகத்தினுள் வெள்ளநீர் நிரம்பிக் காணப்படுகிறது.
மூதூர் -சம்பூர் பிரதான வீதியின் புளியடி சந்தியில் வெள்ளநீர் ஊடறுத்துச் செல்வதால் வீதி அபிவிருத்தி அதிகார சபையினால் போக்குவரத்து செய்ய தடை விதிக்கப்பட்டுள்ளது.
வேதத்தீவு-ஷாபிநகர் போக்குவரத்து தடைபட்டுள்ள நிலையில் கடற்படையினர் படகு மூலம் பொதுமக்களை ஏற்றி இறக்கி வருகின்றனர்.
வயல் நிலங்கள் பலவும் வெள்ள நீரில் மூழ்கிக் காணப்படுகின்றன.
